Saimir Kodra tregon marrëdhënien me Doktorin, nuk kanë qenë asnjëherë miq

Me siguri të gjithë kemi menduar të kundërtën. Kemi imagjinuar që ata ishin miq, që rrinin gjithë kohës bashkë, që ia kishin mësuar mendimet njëri-tjetrit dhe prej këtyre vinte sinkronizimi dhe natyrshmëria në program.

Saimir Kodra, papritur, na e ka shembur këtë parafytyrim. Ai ka thënë për Thumb që nuk ka qenë asnjëherë mik me Doktorin, kolegun e tij për shumë vite fillimisht në programin radiofonik, e më pas në Fiks Fare.

“Shiko, unë dhe Doktori nuk kemi qenë ndonjëherë miq. Mos më keqkuptoni, nuk e kam në kontekstin e punës. Jashtë ekranit kemi pasur jetë shumë të ndryshme. Unë kisha pasione të tjera dhe ai të tjera, prandaj nuk mund të them që jemi miq sot. Patjetër kur e takoj në rrugë i flas dhe e respektoj!”, tha Saimir Kodra.

Miq apo jo, kanë qenë një dyshe e papërsëritshme në ekran. Të gjithë e dimë që miqësia është e mrekullueshme, por në angazhime të ndryshme, siç është media, profesionalizmi dhe ky respekt i ndërsjellë që përmendi moderatori, e kryejnë shumë mirë punën. Talenti pastaj e bën të shkëlqejë atë! Dhe Saimir Kodra dhe Gent Pjetri e kanë pasur siç vazhdojnë ta kenë. /class/