Këngëtari i mirënjohur i skenës shqiptare, Sabri Fejzullahu, ditën e sotme (e enjte) është nderuar me çmimin “Çelësi i Qytetit” nga kryetari i Komunës së Prishtinës, Shpend Ahmeti.
Ky çmim i është ndarë në Ditën e Çlirimit të Prishtinës për kontributin që artisti ka dhënë për më shumë se 50 vite karrierë.
Me rastin e 21-vjetorit të çlirimit të Prishtinës, sot do mbahen edhe disa aktivitete e homazhe te shtatoret e heronjëve.
Sipas imazheve që ua sjell Telegrafi, Fejzullahu është i shoqëruar nga nipi i tij, djali i këngëtarit Ermal Fejzullahu.
Në mbi gjysmë shekulli karrierë, legjenda e muzikës shqipe numëron hite e projekte të shumta.
Edhe pse ka kaluar të shtatëdhjetat, Sabriu po vazhdon akoma të jetë shumë i kërkuar edhe në mbrëmje e ahengje të ndryshme muzikore.
“Lutje Prishtinës”, “Pranvera në Prishtinë”, “Eja në Prishtinë”, “Goditje në zemër”, “Fshatarja ime”, “Plot rini plot dashuri”, “Nuk harrohet”, “Atje është Kosova”, janë vetëm disa nga projektet e njohura të 72-vjeçarit. /Telegrafi/
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251