Rusët nuk i frikësohen kërcënimeve të Putinit, marrin pjesë në ceremoninë e varrimit të Navalnyt – Kremlini dërgon forca të shumta policore në Kishë

Autoritetet ruse kanë kërkuar që ceremonia e varrimit të opozitarit rus, Alexei Navalny, të kryhet në mënyrë private dhe pa ndonjë tubim të madh.

Navalny ka ndërruar jetë në një qeli ruse në Arktik ndërsa presidenti rus, Vladimir Putin po fajësohet për vrasjen e tij.

Lexo po ashtu Varrimi i Alexei Navalnyt, kompanitë mortore po refuzojnë bartjen e trupit të pajetë pasi kanë marrë kërcënime

Edhe pse nuk është lejuar të mbahet një ceremoni publike, njerëzit kanë filluar të mblidhen para një kishe në Moskë për t’i dhënë lamtumirën e fundit 47-vjeçarit, shkruan skynews.

Meanwhile, people are gathering at the temple to bid farewell to Navalny

The funeral is scheduled to begin in three hours. pic.twitter.com/UQ2C0ZdBgi

— NEXTA (@nexta_tv) March 1, 2024

Raportohet se shumë forca policore janë dërguar në vendin ku do të fillojë ceremonia e varrimit të kritikut më të madh të Kremlinit.

Kremlini thotë se çdo mbledhje e paligjshme për Navalnyn, do të thotë shkelje e ligjit, raporton skynews.

Lexo po ashtu Navalny për herë të fundit u pa i gjallë gjatë ditës së djeshme - shfaqen pamjet ku shihet duke buzëqeshur dhe u tallur me gjyqtarët

Zëdhënësi Dmitry Peskov u tha gazetarëve se nuk do të jepte asnjë vlerësim për ish-opozitarin si figurë politike dhe nuk kishte asgjë për t’u thënë të afërmve të tij.
​
Ndërkohë, kompanitë mortore po refuzojnë bartjen e trupit të pajetë të politikanit pasi kanë marrë kërcënime.

Ndryshe, Navalny vdiq më 16 shkurt në një burg rus, ku po vuante disa dënime në saje të akuzave të sajuara. /Telegrafi/