Rregulla e diskutueshme e prekjes aksidentale të topit me dorë nuk do të përdoret në Euro 2020

Golat në Euro 2020 nuk do të anulohen nëse një lojtar aksidentalisht e prek topin me dorë në ndërtimin e një goli, ka konfirmuar UEFA.

Sezonin e kaluar rregulli, që do të thotë çdo kontakt midis topit dhe dorës në ndërtimin e një goli do ta shihte atë të anulohet, u bë jashtëzakonisht popullor.

Goli i papranuar i Fulham ndaj Tottenham në mars, ku topi u godit në dorën e Mario Lemina gjatë ndërtimit, shkaktoi polemikë të madhe kur VAR e anuloi.

Pas kësaj, Bordi Ndërkombëtar i Shoqatës së Futbollit (IFAB) bëri ndryshime që rregulli të ndryshojë sezonin e ardhshëm, duke filluar nga korriku, por turnet janë lejuar ta përdorin atë më herët.

Kryetari i komitetit të gjyqtarëve të UEFA-s, Roberto Rosetti, tani ka konfirmuar se Euro 2020 do të zbatojë rregullin e ri, i cili do të kënaqë tifozët që urrejnë VAR-in.

“Mënyra se si ligji është rishkruar është më shumë sipas frymës së futbollit dhe u jep lojtarëve lirinë për të luajtur futboll”, ka thënë italiani.

Si dhe për ndryshimin në prekjen e topit me dorë, Rosetti gjithashtu tha se do të duhet të ketë “prova të qarta” për një anulim të golit në turne , duke përfshirë edhe pozitat jashtë loje.

Accidental handball by an attacker in the build-up to a goal will not be penalised at Euro 2020, UEFA’s referees’ chief has confirmed.

— Sky Sports News (@SkySportsNews) June 4, 2021

“Disa muaj më parë Pep Guardiola tha: Unë mund të pranoj një gabim të bërë nga gjyqtari në fushën e lojës, nuk mund të pranoj një gabim të bërë nga VAR përpara videos. Kjo është e vërtetë. Ai ka të drejtë”.

“Ne nuk mund ta heqim golin për pozitë jashtë loje nëse nuk kemi prova se është pozitë jashtë loje. Ne duam prova të qarta për të mos lejuar golat – kaq. Për vendime faktike duam ndërhyrje vetëm nëse janë të qarta”, përfundoi Rosetti. /Telegrafi/