LAJMI I FUNDIT:

Rrëfimi i Vojvodës për DAZN: Jeta në Torino, afërsia e Ansaldit dhe marrëdhënia me trajnerin Juric

Rrëfimi i Vojvodës për DAZN: Jeta në Torino, afërsia e Ansaldit dhe marrëdhënia me trajnerin Juric

Anësori i Torinos, Mërgim Vojvoda, ka dhënë një intervistë për DAZN Talks, ku ka folur rreth karrierës dhe jetës së tij.

Mërgim Vojvoda ka fituar një vend të rëndësishëm në skuadrën e Torino të Ivan Juric, pavarësisht se e kishte nisur me disa probleme këtë sezon.

Ai e nis intervistën duke treguar se shumë lojtarë të Torinos e kanë mësuar se si të luajë futboll taktik, gjë që është ende duke e mësuar.

“Ansaldi ka shumë përvojë dhe më pëlqen ta krahasoj veten me të. E pyes kur duhet dribluar, kur duhet luajtur thjeshtë dhe më shpjegon shumë gjëra. Ai është një njeri i madh, ka gjithmonë kohë për ne të rinjtë”.

“Marrëdhënia me Juric? Unë jam profesionist dhe synoj të punoj me të në fushë. Një herë para një ndeshje ai më përqafoi dhe më tha “shko ushtari im”, duke më dhënë një besim të madh. Kur ke besimin e klubit dhe trajnerit, jep gjithçka”, ka thënë Vojvoda.

Vojvoda foli edhe për futbollistin e tij të preferuar, duke radhitur ata brazilianë.

“Ronaldinho nga të gjithë. Buzëqeshja e tij, si dhe aspekti teknik ishte i jashtëzakonshëm. Sa i përket rolit tim, i preferuari im është Dani Alves”.

Tutje ai zbulon se pse zgjodhi Torinon për të vazhduar karrierën.

“Zgjodha Torinon sepse më pëlqen një ekip që ka një histori të madhe pas saj. Kështu ndodhi edhe në Standard Liege. Kur më thirri Toro, menjëherë i thashë po historisë së këtij ekipi”.

“Jam shumë i lumtur që jam këtu dhe dua ta lë emrin tim këtu. Ndeshja e parë ishte emocionuese, veshja e kësaj fanelle është e bukur, siç është edhe veshja e fanellës së kombëtares. Futbolli mund të bëjë shumë, unë mund ta bëjë të njohur një vend si yni”, deklaroi ai.

Vojvoda foli edhe për dallimin mes ligës italiane dhe asaj belge: “Një futboll krejtësisht i ndryshëm, shumë më taktik. Në Belgjikë nuk i kushtoni shumë rëndësi kësaj, dilni në fushë dhe mbështeteni tek instinkti, këtu ka shumë përgatitje”.

Tutje Vojvoda ka folur edhe për shumë gjëra të tjera rreth klubit dhe jetës së tij, që do të postohen në ditët në vijim. /Telegrafi/

Në trend Sport

Më shumë
Reagon babai i Olti Hysenit, pas deklaratës 'bombastike' të lojtarit të talentuar

Reagon babai i Olti Hysenit, pas deklaratës 'bombastike' të lojtarit të talentuar

Përfaqësuesja e Kosovës
Zbulohet emri i vërtetë i Kylian Mbappes - ka lënë të shokuar fansat e tij

Zbulohet emri i vërtetë i Kylian Mbappes - ka lënë të shokuar fansat e tij

Ligue 1
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
Një minutë në fushë kushton 2 milionë euro – dështimi më i madh i Chelseat nga blerjet e fundit

Një minutë në fushë kushton 2 milionë euro – dështimi më i madh i Chelseat nga blerjet e fundit

Premier League
Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?

Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?

Ndërkombëtare
Kalimi te Real Madridi nuk ka të bëjë me paratë: Zbulohet pasuria neto e Kylian Mbappes

Kalimi te Real Madridi nuk ka të bëjë me paratë: Zbulohet pasuria neto e Kylian Mbappes

Ligue 1
Kalo në kategori