Rrëfimi i Samir Shaptahovicit, që nga debutimi si 14-vjeçar, kundërshtari më i vështirë dhe 12 vitet e kaluara në Kosovë
Njëri nga organizatorët më të mirë pasluftës në basketbollin e Kosovës pa dyshim ishte Samir Shapatahoviqi. Basketbollisti shqiptar, i cili filloi rrugëtimin në basketbollin e Kosovës nga Prishtina. Me treshet e tij nga largësia, asistimet dhe luftën në parket, fitoi zemrat e adhuruesve të basketbollit të Kosovës. Samiri luajti edhe për Mabetex-in, Bashkimin dhe Pejën, duke fituar shumë trofe.
Në një intervistë për faqen zyrtare të FBK-së, ai flet që nga debutimi në moshën 14-vjeçare, rrugëtimin në basketbollin e Kosovës, idhullin e tij, kundërshtarin më të vështirë, ndeshjet më të veçanta dhe mesazhin për të rinjtë.
Si vendose të luaje basketboll?
Në kohën time kur kam filluar të luaj basketboll, nuk ke pasur shumë zgjidhje. Ose rrugën e keqe ose të merresh me sport. Unë zgjodha rrugën e mirë dhe familjes time, që të merrem me sport. Basketbolli ka qenë sporti i parë dhe i fundit sport që unë e kam dashur. Iniciatori më i madh ka qenë babai jem Arifi (i cili ka ndërruar jetë). Babai im ka qenë vet sportist dhe më kujtohet secila këshillë në atë atë kohë të vështirë. Sigurisht në atë kohë nuk ka qenë aspak e lehtë për mua, sepse të gjithë e dinë sa respektohen shqiptarët në Mal të Zi. Baras me zero. Por fati dhe puna jem e palodhshme më ka bërë të dallohem prej të gjithë fëmijëve të tjerë. Me 14 vjet kam debutuar për skuadrën e parë të Mornar Bar. Ka qenë ëndrra ime që të jem në skuadrën e parë, që më është realizuar në atë kohë.
Cili ka qenë idhulli yt në fëmijëri?
Secili prej neve si në atë kohë gjithashtu edhe tash, nuk ka pas tjetër idhull përveç të vetmit Michael Jordan.
Cili ka qenë trofeu më i rëndësishëm për ty dhe pse?
Secili trofe i fituar ka të veçantat e veta. Shumë vështirë të përcaktohesh se për cilën Kupë. Por, një gjë e di sigurt, që ai që e fiton është ndjenja më e bukur në jetë. Ne basketbollistët vetëm një ëndërr e kemi. Të bëhemi kampion të shtetit ku luajmë.
Cilën ndeshje nuk mund ta harrosh asnjëherë?
Ndeshjen kur kam luajtur në Mornar Bar. Isha vetëm 17-vjeçar dhe kemi luajtur kundër Crvena Zvezda në Tivar. Kam shënuar 38 pikë. Ishin edhe udhëheqësia dhe lojtarë të Prishtinës dëshmitarë në atë ndeshje.
Ka qenë edhe ndeshja kundër Efes Pilsen në Turqi dhe Prishtinë. Gjithashtu edhe ndeshja Prishtina – Mabetex. Por, ka pasur edhe takime tjera si, Peja – Prishtina në finale të Play-off-it dhe ajo Peja – Teodo Tivat.
Cili ka qenë kundërshtari më i vështirë që je ballafaquar?
Nuk kam pasur edhe kundërshtarë aq cilësor. Sepse kam pasur shumë vetëbesim në veten time dhe e kam konsideruar veten që jam bindshëm më i mirë. Unë do të citoj legjendën e basketbollit kosovar dhe evropian, Ferid Zekolli, i cili njëherë më ka thënë: Unë bashkëlojtarët e mi i kam problemin më të madh. E pyes pse, dhe ai më përgjigjet sepse po më pengojnë t’i shkatërroj kundërshtarët. E vërteta është që më ka ndodhur mua kjo shumë herë. Me mua mund ‘të matet’ vetëm Artan Mehmeti, por nuk e tregoj arsyen. Shpresoj se do ta takoj një ditë dhe ta përshëndes.
Sa të mungon basketbolli dhe atmosfera nga koha kur ke luajtur?
Basketbolli në veçanti më mungon shumë. Më mungojnë edhe tifozët, stërvitjet dhe përgatitjet për lojë. Në veçanti më mungon secila fjalë basketboll.
Cili është mesazhi për lojtarët e rinj që duan të merren me basketboll?
Mesazhi im për të rinjtë është i njëjti me atë që i them edhe djalit tim. Është lehtë të jesh një person i keq, por problem të jesh njeri i mirë. Fillimisht duhet të jetë njeri, të largohet nga rrugët e këqija, me qenë afër familjes së tij. Sporti në veçanti duhet të jetë në mendjen e një adoleshenti. Kam kaluar 12 vite të mrekullueshme në Kosovë që nuk do t’i harroj asnjëherë. Zoti i ruajt të gjithë shqiptarët.
Lufta Prigozhin - Putin
Më shumëNga Rubrika
“Ka pasur momente kur kam qenë më i mirë se Messi” – Enis Bardhi tregon se krahasimet me argjentinasin e bëjnë krenar
Mësohet shuma e parave që Ten Hag do të ketë në dispozicion për blerje gjatë verës
Leicester City fiton rikthimin në Ligën Premier pa e zhvilluar ndeshjen
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zbulohet favoriti i ri për të fituar Topin e Artë 2024: Haaland mbetet mbrapa në garë
Leicester City fiton rikthimin në Ligën Premier pa e zhvilluar ndeshjen
Juventusi mëson çmimin që duhet të paguajë për transferimin e Edon Zhegrovës
Mjafton goli i Guler, Real Madridi arkëton tri pikë në udhëtim tek Real Sociedadi
Mësohet shuma e parave që Ten Hag do të ketë në dispozicion për blerje gjatë verës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre