Skuadra e Romës është në kërkim të një qendërmbrojtës të ri për të ardhmen.

Me Ivan Marcanon që ka dështuar krejtësisht dhe pritet të largohet si dhe Federico Fazion që ka formë të luhatshme, Giallorosët janë futur në garë për Leander Dendocker.

Talenti belg që luan si qendërmbrojtës dhe mesfushor defensivë iu bashkua skuadrës angleze Wolverhampton si huazim nga Anderlechti me blerje përfundimtare në fund të edicionit.

Dendoncker gjatë një dueli me Christian Eriksen. (Foto: Jordan Mansfield/Getty Images/Guliver)

Por lojtari ka dështuar krejtësisht të ambientohet me futbollin anglez dhe duket se Wolves dëshiron ta largojë atë.

Roma nuk po qëndron duarkryq dhe po tenton transferimin e belgut qysh në janar.

Drejtori sportiv i Romës, Monchi ka filluar bisedimet me drejtuesit e klubit anglez për Dendoncker.

Roma është gati të ofrojë dy milionë euro për huazimin e lojtarit dhe 15 milionë të tjera në fund të stinorit për blerjen përfundimtare. /Telegrafi/