LAJMI I FUNDIT:

Rita Ora ia huq, bën një koment të pakuptimtë te fotografia e martesës së mbesës së Presidentit Biden

Rita Ora ia huq, bën një koment të pakuptimtë te fotografia e martesës së mbesës së Presidentit Biden

Rita Ora i la të hutuar përdoruesit e rrjeteve sociale të martën kur la një koment të pazakontë në fotografinë e revistës “Vogue” në Instagram, në të cilën shfaqej mbesa e presidentit Joe Biden, Naomi Biden, në dasmën e saj me Peter Neal.

Naomi, 28 vjeçe, në fotografi paraqitej duke u puthur me bashkëshortin e saj të ri, Peter, 25 vjeç, teksa qëndronin pranë një torte me shtresa të shumta, shkruan DailyMail.

Por, në vend që t’i ofronte çiftit urimet e tyre siç mund të presin disa, këngëtarja shqiptare bëri një koment të pakuptimtë, duke shkruar: “Pse jam kaq e bezdisshme haha”.

Ky koment i 31-vjeçares i la disa komentues të hutuar, ndërsa njëri iu kundërpërgjigj duke i replikuar: “Vajzë, çfarë?!”.

Të tjerë po pyesnin nëse llogaria e saj ishte hakuar, ndërsa të tjerët mendonin se ajo mund të kishte ndërmend të linte komentin në një postim krejt tjetër, por kishte ngatërruar postimin.

Megjithatë, një burim i afërt me yllin tha për DailyMail se komenti i Ritës ishte një ngatërresë, pasi ajo nuk kishte ndërmend të komentonte aty por diku tjetër.

Përndryshe, mbesa e presidentit amerikan, Naomi u martua në Shtëpinë e Bardhë të shtunën në një ceremoni të vogël në natyrë e rrethuar nga familja dhe miqtë e saj.

Ishte dasma e parë e mbajtur në Shtëpinë e Bardhë në gati dy dekada dhe e 19-ta e njohur që u zhvillua atje.

Pas ceremonisë, Naomi dhe Peter pozuan për fotografi artesore në portikun jugor të Shtëpisë së Bardhë.

Ceremonia zgjati rreth një orë me rreth 250 të ftuar. Presidenti Joe dhe Jill Biden filluan mbrëmjen, duke ecur në korridor përpara nuses për të zënë vendet e tyre në rreshtin e dytë.

“Ka qenë një gëzim të shikoje Naomin të rritet, të zbulojë se kush është dhe të krijojë një jetë kaq të pabesueshme për vete”, thanë Joe dhe Jill Biden në një deklaratë.

“Tani, ne jemi të mbushur me krenari që e shohim atë të zgjedhë Peterin si burrin e saj dhe jemi të nderuar ta mirëpresim atë në familjen tonë. I urojmë ditë plot të qeshura dhe një dashuri që thellohet çdo vit”, përfunduan çifti presidencial. /Telegrafi/

Në trend Magazina

Më shumë
Artisti Ledri Vula merr dhuratë nga KFOR-i

Artisti Ledri Vula merr dhuratë nga KFOR-i

Magazina
Pas përplasjes së ashpër me Ilnisa Agollin, Françeska mblodhi valixhet dhe duke qarë kërkoi të dilte nga Big Brother

Pas përplasjes së ashpër me Ilnisa Agollin, Françeska mblodhi valixhet dhe duke qarë kërkoi të dilte nga Big Brother

Magazina
Pajtohen Heidi dhe Romeo - puthje e përqafime mes çiftit në Big Brother

Pajtohen Heidi dhe Romeo - puthje e përqafime mes çiftit në Big Brother

Magazina
'Mallkimi Kate Middleton': Princesha ishte shtrirë në spital edhe në vitin 2012, infermierja e saj bëri vetëvrasje pak kohë pasi zbuloi pa dashje gjendjen e saj

'Mallkimi Kate Middleton': Princesha ishte shtrirë në spital edhe në vitin 2012, infermierja e saj bëri vetëvrasje pak kohë pasi zbuloi pa dashje gjendjen e saj

Magazina
Efekti i Kate Middleton: Vizitat në faqet e këshillave për kancerin dhe të NHS-së u rritën pesëfish pas deklarimit të diagnozës nga Princesha

Efekti i Kate Middleton: Vizitat në faqet e këshillave për kancerin dhe të NHS-së u rritën pesëfish pas deklarimit të diagnozës nga Princesha

Magazina
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018

Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018

Magazina
Kalo në kategori