Rita Ora flet për rolin e ri në “Twist”: Kam qenë gjithmonë një fanse e Charles Dickens, i kam lexuar shumë librat e tij

Rita Ora u entuziazmua kur u përzgjodh të ishte një nga aktoret e filmit në ardhje “Twist” pasi ajo është një fanse e madhe e Charles Dickensit.

Ylli i muzikës pop do të luajë rolin e Dodge – një mishërim femër i personazhit Artful Dodger në përshtatjen e re të romanit “Oliver Twist”, dhe ajo tha se ishte tejet e kënaqur që u ftua të luajë një rolë të tillë pasi i pëlqen veprat e epokës viktoriane të romancierit Dickens, veprat e tjera të lavdëruara të të cilit përfshijnë ‘Nicholas Nickleby’, ‘A Carol Christmas’ dhe ‘Great Expectations’.

Duke folur për Capital Radio, Rita tha: “Unë jam një fanse e madh e Charles Dickens”, shkruan Messenger Inquirer.

“Në të vërtetë më pëlqen të lexoj, e di që njerëzit nuk e dinë këtë për mua, por unë jam pak si budallaqe”, tha ajo.

Këngëtarja e hitit “Anywhere” luan së bashku me Sir Michael Caine, i cili luan rolin e ‘Fagin’ në filmin e Martin Owen, dhe shpjegoi se si ajo vlerësoi mënyrën se si funksionon legjenda e aktrimit.

Rita shpjegoi: “Ai ka një mënyrë të caktuar të punës, mendoj se e ka pasur gjithmonë, dhe unë sapo kalova në valën e tij”.

“Kjo është mënyra se si duhet të jesh kur je me një zotëri, duhet të punosh si funksionojnë ata”, tha ajo.

Rita më parë tha se si ndihej “super e fuqishme” duke luajtur një rol zakonisht mashkullor në film.

Ajo tha: “Do të jetë mahnitëse të shikohet”.

“Artful Dodger është një personazh që zakonisht luhet nga një burrë, kështu që ishte mirë të marr perspektivën time femërore të karakterit. Ndihesha super e fuqishme dhe me të vërtetë e frymëzuar”, tha Rita.

Ora zbuloi se ajo aspiron të jetë si Lady Gaga dhe Madonna të cilat janë të njohura për muzikë dhe aktrim.

Ylli i popit dhe tani më aktorja – e cila gjithashtu është shfaqur në filmat ‘Fifty Shades’ – tha: “Unë jam i fiksuar pas Madonnas dhe Gagas. Ato i bëjnë të gjitha. Do të doja të tregoja sa më shumë që të ishte e mundur nga vetja. /Telegrafi/