LAJMI I FUNDIT:

Rio Ferdinand tregon haptas lojtarin i cili duhet të largohet nga Manchester United

Rio Ferdinand tregon haptas lojtarin i cili duhet të largohet nga Manchester United

Rio Ferdinand ka thënë se ish-bashkëlojtari i tij, Jonny Evans, nuk duhet të jetë pjesë e klubit duke kritikuar strategjinë e rekrutimit të lojtarëve të rinj nga ana e ‘Djajve të Kuq’.

Sezonit të mjerueshëm 2023/2024 në Ligën Premier për Unitedin i erdhi fundi të dielën me një fitore ndaj Brightonit, duke përfunduar në pozitën e tetë me 31 pikë mbrapa kampionit Manchester City.

Unitedi do të takohet me rivalët e qytetit në finale të FA Cup të shtunën, aty ku Erik Ten Hag do të luftojë për të shpëtuar punën e tij, para asaj që pritet të jetë një verë e ndryshimeve të mëdha në ‘Old Trafford’.

Evans ishte rikthyer tek Unitedi verën e kaluar në një marrëveshje njëvjeçare, duke shërbyer si opsioni i pestë në mbrojtjen e tyre. Një krizë lëndimesh në fazën defanzive, bëri që Evans të merrte minuta më shume se sa që pritej fillimisht, duke luajtur kështu në 29 ndeshje ku në 18 prej tyre ia nisi nga minuta e parë.

“Jonny Evans, me të vërtetë, nuk dua të tregoj mungesë respekti, e dua atë, por ai nuk duhet të jetë aty”.

Onana tregon katër lojtarët e Man Utd që duhet të pranojnë kritika pas sezonit katastrofal
Lexo po ashtu Onana tregon katër lojtarët e Man Utd që duhet të pranojnë kritika pas sezonit katastrofal

“Me të vërtetë, nëse dëshironi që Man United të ec përpara si klub ai nuk duhet të jetë aty. Por ai ka ardhur dhe është ndoshta mbrojtësi më i mirë i tyre këtë sezon. Dhe tani keni Casemiron duke luajtur aty, duke mbuluar hapësirat, duhet ta respektojmë që po e bën këtë”, ka thënë Ferdinand.

Anthony Martial dhe Raphael Varane do të largohen nga klubi pasi arritën marrëveshje për të ndërprerë kontratat e tyre këtë verë, por Ferdinand ka frikën që klubi do të ketë vështirësi që të shesë lojtarët e tjerë pranë përfundimit të kontratës.

Victor Lindelof, Aaron Ëan-Bissaka dhe Christian Eriksen do të futen në vitin e fundit të kontratave këtë verë, së bashku me Harry Maguire dhe Scott McTominay, ani pse Unitedi e ka mundësinë e rinovimit edhe për një vit tjetër me dy të fundit./Telegrafi/