Pas një pushimi më shumë se dy muaj, ndeshjet e futbollit kosovar rikthehet në aksion.

Kësisoj edicioni pranveror në futbollin kosovar do të startojë me ndeshjet e Digitalb Kupës së Kosovës.

Tetë është numri i skuadrave çerekfinaliste të cilat synojnë triumfin në Kupën e Kosovës.

Prishtina, Ballkani, Gjilani, Drenica, Feronikeli, Liria, Dukagjini dhe Vushtrria janë skuadrat që kanë siguruar çerekfinalen.

Drenica do të jetë nikoqir i Gjilanit në takimin hapës që do të luhet në Skenderaj me fillim nga ora 12:30.

Ndërkohë ndeshja tjetër e ditës së sotme do të zhvillohet në kryeqytet, ku stadiumi Fadil Vokrri është nikoqir i ndeshjes Prishtina – Vushtrria e cila fillon nga ora 13:00. /Telegrafi/

Kupa e Kosovës:

E shtunë:

12:30 Drenica – Gjilani
13:00 Prishtina – Vushtrria

E diel:

12:30 Dukagjini – Ballkani

E mërkure:

12:30 Liria – Feronikeli