“Rice është lojtari më i mirë anglez që luan në Ligën Premier” – legjenda angleze befason të gjithë me deklaratën e tij

Shumë ish-futbollist dhe trajner futbolli, por edhe tifozë mendojnë se Cole Palmer është lojtari më i mirë në Ligën Premier dhe në fakt ai edhe u shpall sezonin e kaluar.

Por njësoj nuk mendon edhe legjenda angleze Teddy Sheringham që thotë se Declan Rice është anglezi më i mirë që luan në Ligën Premier.

Ish-sulmuesi i Tottenham dhe Man United, Teddy Sheringham, ka vlerësuar lart mesfushorin e Arsenalit, Declan Rice.

“Declan Rice është lojtari më i mirë anglez në Ligën Premier”, tha Sheringham për Best Offshore Sportsbooks.

“Ai bën një ndryshim të madh për skuadrat ku luan, pavarësisht nëse luan për Anglinë apo Arsenalin”.

“Ai është një plus i madh kur e shihni emrin e tij në fletën e skuadrës. Ai jep shembull, i tërheq njerëzit me vete dhe thotë se kjo është ajo që do të bëjmë sot. Më pëlqejnë cilësitë e tij drejtuese dhe aftësitë e tij”.

“Kjo është ajo që bëjnë lojtarët më të mirë. Ata japin shembullin për pjesën tjetër të lojtarëve që duhet të ndjekin, dhe ata sjellin njerëz në udhëtim me vete, duke pasur një ndikim te lojtarët e tjerë që përmirësojnë të gjithë ekipin”.

“Rice ka qenë një nënshkrim fantastik për Arsenalin, dhe ai është një arsye e madhe pse ata janë aty ku janë tani dhe konkurrojnë në krye të kampionatit”.

Është një këndvështrim interesant nga ish-sulmuesi i Man United, por edhe mesfushori fitues i Premierligës së Arsenalit, Emmanuel Petit tenton të mos pajtohet.

“Declan Rice është lojtari që kam pritur më shumë nga ky sezon”, tha ai për Instant Casino.

“Unë mendoj se ai ka pasur vështirësi që nga fillimi i sezonit. Kartoni i kuq që mori në gusht ishte ndoshta një shenjë. Shpresoj që ai të kthehet më i fortë, por ai ka qenë nën nivel deri tani.”

Cole Palmer shënoi 22 gola dhe bëri 11 asistime sezonin e kaluar. Këtë sezon ai tashmë ka 7 gola dhe 5 asistime në 11 ndeshje. /Telegrafi/