Ka përfunduar me sukses edhe dita e dytë e turneut Roobet Cup, me ndeshje të mira por edhe me befasi në ndeshjen e fundit FURIA ndaj 9z.

Dita filloj me ndeshjen Astralis ndaj Movistar Riders, ndeshje kjo e cila pritej të zhvillohej në ditën e parë, por për shkak të problemeve me server, u desh të shtyhej.

Fitues doli ekipi Astralis me rezultat të përgjithshëm 2-0 me mapa, ndërsa ekipi forZe arriti që t’i bëjë ballë ekipit Outsiders, të cilët sapo kanë shtuar dy lojtarë të ri, duke i mposhtur me rezultat 2-1 me mapa.

Befasia më e madhe në ndeshjet e ditës së dytë, ishte ekipi 9z, të cilët mposhtën ekipin brazilian FURIA, me rezultat të përgjithshëm 2-0 me mapa.

Mapi i parë ishte i barabartë, por në fund triumfoj ekipi 9z me rezultat 22-20, ndërsa në mapin e dytë 9z arriti ta përmbyll me rezultat 16-10.

Këto janë të gjitha rezultatet nga dita e dytë e turneut Roobet Cup:

Astralis 2 – 0 Movistar Riders
Outsiders 1 – 2 forZe
ENCE 2 – 1 Eternal Fire
Imperial 0 – 2 MOUZ
FURIA 0 – 2 9z

/Telegrafi/