Revolucion i thellë te Bayerni – vetëm katër lojtarë e kanë vendin e sigurt

Bayern Munich është i vendosur për një revolucion të madh këtë verë me vetëm katër lojtarë të ekipit të parë që konsiderohen si ‘të paprekshëm’ përpara afatit kalimtar të verës.

Gjiganti gjerman duket se do të mbyllë për herë të parë pas 12 vitesh një sezon pa një titull lige, duke dorëzuar trofeun te Bayer Leverkusen që ka tetë pikë më shumë.

Bayerni pritet të emërojë Max Eberl si drejtor sportiv pas periudhave të tij të suksesshme në Borussia Monchengladbach dhe RB Leipzig.

Lexo po ashtu Në Bayern, takimi urgjent zgjati deri në mesnatë - u mor vendimi përfundimtar për Thomas Tuchel

Sky Germany raporton se ai mund të bëjë disa ndryshime të pamëshirshme në skuadër, ku vetëm disa të përzgjedhur janë të sigurt nga transferimi në këtë verë.

Harry Kane, i cili ka shënuar 29 gola në 30 paraqitje që nga momenti kur iu bashkua Bayernit, është në mesin e atyre ‘të paprekshëm’ përkrah Jamal Musiala, i cili konsiderohet si fytyra e klubit për vitet në vijim.

Lexo po ashtu Chelsea ka "dëgjuar pëshpëritje" se Kane nuk është shumë i lumtur në Allianz Arena, shkon me të gjitha forcat për anglezin

Të sigurt nga sëpata janë edhe dyshja shumëvjeçare Manuel Neuer dhe Thomas Muller, ky i fundit që ka zgjatur së fundmi kontratën deri në vitin 2025.

Mediumi shton më tej se e ardhmja e çdo anëtari tjetër të skuadrës së Bayernit është e pasigurt edhe pse klubi mund të përballet me vështirësi në largimin e atyre me kontrata afatgjata dhe shumë të paguar, duke përfshirë Serge Gnabry, Joshua Kimmich, Leroy Sane dhe Kingsley Coman. /Telegrafi/