Real Madridi i ka vënë Manchester Unitedit pesë emra të futbollistëve në tavolinë si pjesë e marrëveshjes për transferimin e Paul Pobgas, ndërsa emri më i lakuar është ai i Gareth Bale.

Pogba është një dëshirë e kamotshme e klubit spanjoll, por edhe e trajnerit të tyre francez, Zinedine Zidane.

Blerja e tyre është shumë e vështirë pasi mesfushori francez thuhet se vlen rreth 140 milionë euro dhe Mbretërit po synojnë të gjejnë një formulë tjetër.

Pogba është dëshira e Zidanet, Eriksen në pritje Pogba është dëshira e Zidanet, Eriksen në pritje

Sipas mediumit The Times, Reali i ka ofruar Unitedit njërin nga pesë lojtarët e tyre për t’u bërë pjesë e marrëveshjes për transferimin e Pogbas.

Pogba pëlqehet shumë nga Reali (Foto: Gareth Copley/Getty Images/Guliver)

Emri më i përfolur është ai i Bale, pasi spanjollët në këtë rast do të duheshin të paguanin një shifër më të vogël nëse uellsini hyn si pjesë e shkëmbimit.

Bale dhe Isco janë dy emrat më të mundshëm për tu bërë pjesë e shkëmbimit (Foto: Getty Images/Guliver)

Emrat tjerë në listën e shkëmbimit të pjesshëm janë edhe Keylor Navas, Theo Hernandez, James Rodriguez dhe Isco.

Vera e këtij viti pritet të jetë e nxehtë në aksion Madrid-Mançester, ndërsa koha do të na tregojë se cila marrëveshje do të materializohet. /Telegrafi/