Real Madridi në mbështetje të plotë ndaj Vinicius Jr, tregojnë masat drastike që do të marrin pas ngjarjes në Mestalla

Real Madridii ka dal me një komunikatë zyrtare pas thirrjeve të tmerrshme raciste në stadiumin Mestalla në Valencia ndaj Vinicius Jr.

Në sfidën e zhvilluar mes Valencias dhe Real Madridit e fituar 1-0 nga vendasit u dëgjuan thirrje raciste ndaj sulmuesit brazilian të Los Blancos.

Presidenti i Real Madridit, Florentino Perez ka pritur në takim yllin brazilian për t’i treguar mbështetjen e plotë që klubi ka ndaj tij.

Lexo po ashtu Courtois flet pas thirrjeve raciste ndaj Vinicus: Do të largohesha edhe unë nga loja

Pas takimit me futbollistin, skuadra nga kryeqyteti spanjoll ka dalë me një komunikatë për media duke konsideruar se sulme të tilla përbëjnë dhe urrejtje dhe për këtë kanë bërë ankesë në Prokurorinë e përgjithshme të shtetit.

“Real i Madridit dënon me forcë ngjarjet që ndodhën dje kundër lojtarit tone, Vinícius Junior.Këto fakte përbëjnë një sulm të drejtpërdrejtë ndaj modelit të bashkëjetesës së shtetit tonë të së drejtës, social dhe demokratik”.

“Reali i Madridit konsideron se sulme të tilla përbëjnë edhe krim urrejtjeje, për këtë arsye ka bërë ankesën përkatëse në Prokurorinë e Përgjithshme të Shtetit, konkretisht në Prokurori kundër krimeve të urrejtjes dhe diskriminimit, në mënyrë që të hetohen faktet dhe të qartësohen përgjegjësitë”.

El presidente del Real Madrid se ha reunido con @ViniJr para mostrarle su apoyo y su cariño, para informarle de todos los pasos que se están realizando en su defensa y para confirmarle que el club llegará hasta las últimas consecuencias ante una situación tan repugnante de odio. pic.twitter.com/vu18Lf0nif

— Real Madrid C.F. (@realmadrid) May 22, 2023

“Neni 124 i Kushtetutës spanjolle përcakton funksionet e Prokurorisë Publike për të nxitur veprimin e drejtësisë në mbrojtje të ligjshmërisë dhe të drejtave të qytetarëve dhe interesit publik”.

“Për këtë arsye dhe nisur nga serioziteti i ngjarjeve të ndodhura, Reali i Madridit i është drejtuar Prokurorisë së Përgjithshme të Shtetit, pa paragjykuar paraqitjen e tij si procedim privat në procedimet që po nisin”, thuhet në komunikatën e Real Madridit. /Telegrafi/

Comunicado Oficial. #RealMadrid

— Real Madrid C.F. (@realmadrid) May 22, 2023