Real Madridi tashmë ka arritur ta transferojë Eden Hazardin nga Chelsea për një shumë që besohet të jetë rreth 100 milionë euro.

Skuadra spanjolle e kishte kërkuar për disa vite radhazi anësorin belg, mirëpo të Kaltrit i kishin refuzuar ofertat e tyre.

Por, kjo verë ishte vendimtare për Real Madridin, pasi ka arritur t’i marrë shërbimet e Eden Hazardit, ndërsa i ka paguar londinezët 100 milionë euro.

“Lojtari Eden Hazard do të prezantohet nesër, e enjte, 13 qershor, në ora 19:00, në stadiumin Santiago Bernabeu. Hazard do të veshe për herë të parë fanellën e Real Madridit, ndërsa do të paraqitet edhe para mediave”, thuhet në njoftimin e klubit spanjoll.

Prezantimi i Eden Hazard te Real Madridi më i madh se i Cristiano Ronaldos dhjetë vite më parë Prezantimi i Eden Hazard te Real Madridi më i madh se i Cristiano Ronaldos dhjetë vite më parë

Belgu kishte bërë me dije shumë herë se është ëndrra e tij është që të luajë për skuadrën spanjolle, por edhe që të luajë nën urdhrat e Zinedine Zidanes.

Nga ana tjetër, Hazard ka qëndruar për shtatë vite te Chelseat, duke qenë lojtari i tyre më i rëndësishëm, mirëpo në këtë afat vendosi të kalojë në Spanjë. /Telegrafi/