Reagimi epik i Calafiorit të Romës pas goditjes me top nga ‘mbledhësi i topave’ të Ajaxit

Mbrojtësi i Romës, Riccardo Calafiori e ka mirëkuptuar djaloshin që mbledh topat te Ajaxi, i cili e goditi furishëm me top në gjoks gjatë një rivënie anësor.

Roma mori një fitore të madhe me rezultat 2-1 në udhëtim te Ajaxi të enjten mbrëma në takimin e parë të çerekfinales në garën e dytë ekipore evropiane.

Golat në këtë ndeshje u shënuan nga Devy Klaasen për vendasit, ndërsa për mysafirët shënuan Lorenzo Pellegrini dhe Roger Ibanez.

Megjithatë, jo gjithçka shkoi në rregull deri në fund të ndeshjes, pasi në minutat e fundit ndodhi një gjë e pazakontë, ku cak i ‘sulmit’ ishte mbrojtësi i ri 18-vjeçar i Romës, Calafiori.

Lexo po ashtu “Mbledhësi i topave” të Ajaxit godet pamëshirshëm lojtarin e Romës me top në gjoks

Calafiori në tentativë për të vonuar ndeshjen dhe për të humbur minuta në një rivënie anësore, u godit fuqishëm me top në gjoks nga një ‘mbledhës i topave’.

Por, mbrojtësi i Romës nuk ka inat ndaj djaloshit të Ajaxit, pasi ka reaguar në mënyrë epike pas goditjes ndaj tij.

“Unë do të them se duke parë kundërshtarin tënd të humbasë kohë në një situatë të tillë do të më kishte irrituar edhe mua”, ka thënë fillimisht Calafiori për Sky Sports.

“Nuk do të them se e respektoj, por e kuptoj. Është në rregull”, përfundoi mbrojtësi i Romës. /Telegrafi/

Roma's Riccardo Calafiori understood why Ajax's ballboy felt the need to throw a ball in his face 😂 pic.twitter.com/DzMymTUSOj

— Football on BT Sport (@btsportfootball) April 9, 2021