Është vrarë udhëheqësi i Shtetit Islamik, Abu Bakr al-Baghdadi

Shtetet e Bashkuara kanë realizuar një sulm në Siri duke synuar vrasjen e udhëheqësit të Shtetit Islamik, Abu Bakr al-Baghdadi.

Sipas raporteve të shumta të medieve ndërkombëtare, një zyrtar amerikan ka thënë se operacioni kishte për synim vrasjen e tij, por nuk është konfirmuar se nëse ai është kapur apo vrarë, përcjell Telegrafi.

Newsweek sipas burimeve të një zyrtari të ushtrisë amerikane, thotë se operacioni është zhvilluar në provincën e Idlibit të Sirisë.

Duke përmendur dy zyrtarë të lartë të administratës amerikane, New York Times raporton se komandot e operacioneve speciale amerikane kishin kryer një sulm në veri-perëndim të Sirisë kundër një udhëheqësi të lartë terrorist atje, por nuk kanë treguar se për kënd bëhet fjalë.

Sipas burimeve siriane, thuhet se Al Bagdadi është vrarë.

“Irani u informua për vdekjen e Al Bagdadit nga zyrtarët që kanë marr pjesë në aksion”, tha një zyrtarë sirian për Reuters, përcjell Telegrafi.

Shtëpia e Bardhë tha se presidenti amerikan, Donald Trump, do të mbajë një “fjalim të madh” të dielën, por nuk dha detaje të tjera.

Trump, paraprakisht, shkroi në Twitter se, “diçka shumë e madhe sapo ka ndodhur”.

Something very big has just happened!

— Donald J. Trump (@realDonaldTrump) October 27, 2019

Baghdadi është përshkruar si njeriu më i kërkuar në botë.

Në tetor të vitit 2011, SHBA-ja e ka shpallur atë “terrorist” dhe ka ofruar një shpërblim prej 25 milionë dollarësh për informacione që çojnë në kapjen ose vdekjen e tij.

Baghdadi ka lindur pranë Samaras, në veri të Bagdadit, në vitin 1971, dhe emri i tij i vërtetë është Ibrahim Aëad al-Badri. /Telegrafi/