Në gjashtë vjetorin e vendimit të Gjykatës Kushtetuese për Asociacionin e komunave me shumicë serbe, Qeverisë së Kosovës i kërkohet të bazohet në këtë aktgjykim dhe ta shtyjë përpara në dialogun me Serbinë.
I njëjti, sipas njohësve të procesit të dialogut, do të pamundësonte krijimin e një etniteti serb me kompetenca ekzekutive.
Por, nga partia në pushtet, shprehen kategorik kundër themelimit të çfarëdo asociacioni njëetnik.
Emir Abrashi nga Demokracia Plus, thotë për KosovaPress se Qeveria e Kosovës duhet të këmbëngulë në vendimin e Gjykatës Kushtetuese për Asociacionin dhe jo të insistojë kundër formimit të tij.
“Republika e Kosovës ka nënshkruar marrëveshje për formimin e Asociacionit, fillimisht në vitin 2013 dhe e njëjta është amendamentuar në vitin 2015. Amendamenti i vitit 2015 e ka një element tepër të rëndësishëm, i cili parasheh se çfarëdo formimi i Asociacionit duhet të kalojë nga Gjykata Kushtetuese. Në këtë aspekt, kjo është një mbrojtje e madhe për Kosovën, duke pasur parasysh këtë fakt, kjo do të pamundësonte të formonte çfarëdo Asociacioni me kompetenca ekzekutive, i cili do të ishte pushtet i tretë dhe do të cenonte karakterin unitar të Kosovës. Prandaj ne duhet të këmbëngulin në këtë pikë dhe jo të këmbëngulim në mosformimin e tij. Pasi, herët ose vonë, ai do të formohet, por nëse ne këmbëngulim në mosformim dhe rinegocim të marrëveshjes ne mund të humbasim ne këtë pikë që e mbron Republikën e Kosovës. Mendoj se Qeveria po e bllokon formimin e Asociacionit si mënyrë për të rritur pazarin në tryezën e diskutimit në Bruksel”, u shpreh Abrashi.
Në linjë të njëjtë është edhe Arbër Fetahu nga Grupi për Studime Juridike dhe Politike.
Ai thotë për KosovaPress se ekzekutivi duhet të krijojë një pozicion më të zgjeruar dhe të thelluar për Asociacionin.
Sipas tij, duhet të tentohet të krijohet një aleancë në qëndrimin kundër Asociacionit edhe në spektrin politik vendor por edhe tek aleatët ndërkombëtarë.
“Duhet të shtyhet më tutje vendimi i Gjykatës Kushtetuese, por megjithatë konsiderojmë se një marrëveshje me Asociacionin në të me kompetenca ekzekutive, i tillë si është proklamuar në fillim e cenon rendin kushtetues, andaj është vështirë të gjendet një zgjidhje kreative, por është e nevojshme kjo lloj rezistence që këto kompetenca ekzekutive të mos të ketë një etnitet të ri në Kosovë. Pasi praktikisht e krijon de-funksionalitetin e rendit kushtetues të Kosovës. […] Qeveria e Kosovës është mirë të krijojë një pozicion mbi Asociacionin edhe pak më të zgjeruar dhe të thelluar. Duhet të kërkojë aleancë brenda Kosovës edhe pse shumica e partive politike e refuzojnë marrëveshjen me kompetenca ekzekutive dhe ta krijojnë një pozicion se si mund të dilet nga kjo marrëveshje. A mund të formohet me kompetenca joekzekutive, apo duhet të hidhet poshtë komplet. Të këtë një qëndrim më të qartë dhe të dilet me një pozicion i cili është edhe më i qëndrueshëm edhe tek BE-ja, aleatët dhe Serbia”, deklaroi Fetahu.
Por kategorik kundër themelimit të çfarëdo Asociacioni, është deputeti i Lëvizjes Vetëvendosje, Arbër Rexhaj.
“Nuk e besojmë se çështja e Asociacionit është si një OJQ ose një organizatë që s’ka kompetenca ekzekutive. Sikur të ishte ashtu, s’do të ishte as një debat që do të arrinte deri në këtë pikë, nuk do të prolongohej deri tani. Besoj se është më e thellë dhe natyrisht e ka ‘jo’ tonën. Pasi kauza jonë e hershme ka qenë që ne nuk mund të defunksionalizojmë shtetin e Kosovës, të krijojmë një shtet të tretë, të krijojmë një sistem paralel në arsim, shëndetësi, polici dhe siguri. Këtë aspekt sigurisht që nuk e pranojmë dhe këtë formë”, thekson ai.
Gjykata Kushtetuese më 23 dhjetor të vitit 2015, ka marrë vendim në lidhje me Asociacionin e komunave me shumicë Serbe.
Në vendimin e Kushtetueses thuhej që parimet e përgjithshme, nuk janë tërësisht në përputhshmëri me frymën e Kushtetueses, duke e bazuar këtë në nenin 3 të saj dhe me të drejtat e komuniteteve në Kushtetutën e Kosovës. Kërkesa për përputhshmërinë e parimeve të kësaj marrëveshje, u dërgua në Gjykatën Kushtetuese nga presidentja e asaj kohe, Atifete Jahjaga. /kp/Telegrafi/
Lufta Prigozhin - Putin
Më shumëNga Rubrika
Aktivisti i PSD-së i shkon në tavolinë deputetit të LVV-së: A po ju vjen marre që e pranuat “Zajednicën”, për Këshillin e Evropës…
Studentët e Juridikut, të tretët në botë në garën ndërkombëtare për drejtësi, Osmani: Sukses historik
Angellov: Do të kthehesha në LSDM nëse më japin rrogë 5.000 euro
Pse Mali i Zi votoi kundër Kosovës në KiE, flet Dritan Abazoviq
E mohoi në Kuvendin e Serbisë, por Goran Rakiq ishte betuar si ministër në Kuvendin e Kosovës
Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave
Si do të mund t'i drejtohen kosovarët Gjykatës së Strasburgut?
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri
PDK voton kryesinë e re - pësojnë ndryshime në pozita disa prej figurave të njohura të kësaj partie
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes