Publikohet video e dyshimtë e Mbresës në shtëpinë e BBVK – shanë gjatë një bisede me vëllain e madh duke harruar mikrofonin e ndezur

Këngëtarja Mbresa Hajrullahu ka qenë një prej hyrjeve më interesante në shtëpinë e Big Brother VIP Kosova.

Ajo hyri pak më vonë se banorët e tjerë në shtëpi, por që menjëherë shkaktoi dinamika duke filluar të lë vërtetë “mbresa” te publiku.

Këngëtarja me origjinë nga Ferizaj është një nga pesë finalistet e këtij edicioni të BBVK, ku lufton për të fituar çmimin e madh prej 200 mijë eurosh.

Megjithatë, së fundmi në rrjetet sociale është duke qarkulluar një video e dyshimtë e saj, ku gjatë një diskutimi në dhomën e rrëfimit me vëllain e madh, ajo harron mikrofonin e ndezur.

Nga kjo dëgjohet këngëtarja duke sharë me rob, gjersa nuk dihet saktësisht se për çfarë kanë qenë duke diskutuar në dhomën e rrëfimit.

Më pas, ka qenë konkurrentja Vivien ajo e cila i tregonte Mbresës se çfarë ka bërë dhe se është dëgjuar nga të tjerët duke sharë me mikrofon ndezur.

Me të parë që Vivien po i tregon Mbresës se çfarë kanë dëgjuar banorët e tjerë, produksioni i tërheq vërejtjen duke i thënë “Vivien kujdes mikrofonin”, si për të t’i treguar që të mos vazhdojë të flasë më shumë. /Telegrafi/