Publikohet sërish videoja në të cilën Drake puth dhe përkëdhel një 17-vjeçare në skenë

Drake është vënë në qendër të një skandali, pasi në internet janë rishfaqur xhirimet nga një koncert i vitit 2010, në të cilin ai shfaqet duke e puthur një vajzë 17-vjeçare.

Siç transmeton The Sun, në video, reperi shihet teksa flirton dhe i thotë fjalë me përmbajtje eksplicite vajzës që është ngjitur në skenën e koncertit në teatrin Ogden në Kolorado.

Muzikanti, i cili asokohe ishte 23 vjeçar, e ka pyetur vajzën se sa vjeçe është, ndërsa është befasuar kur ajo i ka thënë se i ka vetëm 17 vjet.

Pasi e ka lavdëruar me fjalë fizikun e saj, i ka thënë se megjithatë është “e plotë”. Teksa komentet shokuese kanë vazhduar kur i është drejtuar gjoksit të saj.

Lexo po ashtu Lajmet për DRAKE

“Më pëlqen ndjesia e gjoksit tënd në gjoksin tim. Vetëm dua të të falënderoj”, ka thënë Drake.

Reperi më pas e ka puthur në dorë, në fytyrë dhe në buzë para se vajza të largohej nga skena, ndërsa më herët e kishte puthur edhe në qafë.

Xhirimi nga viti 2010 është publikuar edhe në rrjetet sociale, ndërsa reagimet më të shumta kanë ardhur nga përdoruesit e Twitterit, të cilët kanë shprehur pakënaqësi për sjelljen e yllit kanadez. /Telegrafi/