Publikohet “Labyrinth”, kënga e shumëpritur e Loredana Zefit

Rap-artistja shumë e përfolur muajve të fundit, Loredana Zefi, ashtu siç kishte paralajmëruar prej ditësh, ka publikuar më në fund këngën e saj më të re.

“Labyrinth” titullohet projekti i ri muzikor i reperes, këngë kjo e cila është punuar nga Dominik Braz Bittrich. Kënga vjen për fansat në gjuhën gjermane, gjersa për tekstin është kujdesur vet Loredana.

Për anën vizuale janë kujdesur produksioni kosovar Entermedia, gjersa xhirimet e klipit janë kryer në ditën kur ajo edhe mbajti kongerencë në Prishtinë, për të sqaruar akuzat për aferën e famshme me çiftin zviceran.

Loredana është dukur tejet atraktive me paraqitjen e saj në klip, së cilën ia ka besuar kreatores vendore, Blerina Kllokoqi-Rugova.

Ditë më parë, reperja shqiptare u përball edhe me një humbje të madhe, kjo pasi babai i saj ndërroi jetë.

Ajo u shpreh përmes rrjeteve sociale se suksesin e këtij projekti muzikor ia dedikon atij, dhe se do të bëjë ç’të jetë e mundur që ta bëjë krenar tani e tutje me arritjet e saj. /Telegrafi/