PGMOL ka publikuar audion dhe transkriptin e plotë nga momentet dramatike të fundit të fitores 1:0 të Arsenalit ndaj West Hamit, duke ndezur një valë të re debatesh për qëndrueshmërinë dhe konsistencën e VAR-it.
Pamjet zbulojnë një shkëmbim të tensionuar mes gjyqtarit kryesor Chris Kavanagh, VAR-it Darren England dhe asistentit të VAR-it (AVAR) Akil Howson, lidhur me golin e barazimit në minutën e 95-të të shënuar nga Callum Wilson, i cili u anulua.
Teksa zyrtarët e rishikuan golin në monitor, audioja tregon se AVAR Akil Howson ngriti disa herë shqetësime për veprimet e Leandro Trossard ndaj lojtarit të West Hamit, Pablo Fornals.
Ndërsa ekipi i VAR-it fillimisht ishte i fokusuar te pretendimi se Pablo Fornals po ia mbante krahun portierit David Raya, Howson vuri në dukje një faull të mundshëm më herët ose paralelisht nga Trossard.
“E ke Declan Rice dhe e ke edhe [Leandro] Trossard", tha Howson gjatë rishikimit të aksionit.
Gjyqtari Chris Kavanagh iu përgjigj: “Nuk e di çfarë po përpiqesh të më tregosh, ma jep një të dhënë”.
VAR: Dhe nëse do, mund të konsiderosh edhe veprimet e Declan Rice ndaj Mavropanos në prapavijë. Por faulli ndaj portierit ndodh më herët.
Gjyqtari: Para tij, pra… Pas rishikimit, West Ham numri…
VAR: 19.
Gjyqtari: 19. Faull. Ma konfirmo edhe një herë numrin, të lutem.
Gjyqtari: Pas rishikimit, lojtari i West Hamit me numrin 19 kryen faull ndaj portierit. Vendimi përfundimtar është goditje e lirë./Telegrafi/
