PSG synon kampionin e Evropës që të harrojë Mbappen

Paris Saint-Germain ka filluar seriozisht të kërkojë për zëvendësuesin e Kylian Mbappes dhe atë duket se e ka gjetur në Angli.

Bernardo Silva ka qenë në lajmet e tregut të transferimeve prej disa kohësh, me PSG që tani është klubi i ri që ka treguar një interesim të fortë për mesfushorin portugez për sezonin e ardhshëm.

Klubi parisien po kërkon të përforcojë skuadrën e saj për sezonin e ri dhe e sheh Bernardo Silvan si një nënshkrim yll për sezonin 2024/2025.

Pavarësisht rëndësisë së portugezit te Manchester City nën drejtimin e Pep Guardiolës, klubi anglez nuk e përjashton largimin e tij dhe pas rinovimit të tij, me klauzolën që është rreth 60 milionë eurosh.

Lojtari portugez ka qenë një figurë kyçe te City që nga ardhja e tij në vitin 2017, duke grumbulluar 298 ndeshje, 53 gola dhe 58 asistime, ndërsa sezonin e kaluar dominuan Evropën duke fituar tripletën.

PSG , i sigurt për arritjen e një marrëveshjeje, është i gatshëm të përballet me kërkesat financiare për të nënshkruar me Silvan, dhe mesfushori portugez 29-vjeçar mund të bëhet një nga nënshkrimet e dukshme në Ligue 1 për sezonin 2024/25. /Telegrafi/