0Shares

Julian Weigl mund të largohet nga Borussia Dortmund gjatë afatit kalimtar të janarit.

Klubi verdh e zi është duke kaluar nëpër një formë fantastike duke kryesuar në Bundesliga.

Por Weigl nuk po luan shumë nën urdhrat e Luciane Favre dhe kjo nuk po i pëlqen gjermanit.

23-vjeçari ka kërkuar nga klubi ta lejojë të largohet në janar në drejtim të Parisit.

Kampionët në fuqi të Francës edhe gjatë afatit kalimtar veror e kërkuan me ngulm yllin gjerman por që u refuzuan nga Dortmund.

Verdhezinjtë mund ta lënë të lirë të largohet Weigl, vetëm nëse PSG pranon të paguajë shumën prej 50 milionë eurove.

Gjithsesi klubi parisien nuk do ta ketë të lehtë transferimin e gjermanit, pasi në garë për të janë edhe Arsenal dhe Bayern Munich.

Weigl ka kontratë me Borussia Dortmundin deri në qershor të vitit 2022. /Telegrafi/

Të Ngjajshme
Shfaq Komentet (0)