Presidenti i Greqisë kërkon ndryshime kushtetuese për çështjen e emrit

Presidenti i Greqisë, Prokopis Pavlopoulos ka përsëritur qëndrimet e tij dukethënë se ndryshimet kushtetuese janë parakusht për zgjidhjen e emrit dhe integrimin e Maqedonisë në strukturat euro-atlantike.

Emri mund të zgjidhet vetëm kur nuk do të rrezatojë irredentizëm në Maqedoni, pasi sipas tij irredentizmi është në kundërshtim me të drejtën ndërkombëtare dhe legjislacionin evropian, njofton Telegrafi Maqedoni.

“Ky vend që fatkeqësisht në Kushtetutën e vetë ngre pyetje që lidhen me emrin dhe çështje të tjera rredentiste, duhet t’i sjellë të gjitha ndryshimet në rendin juridik, veçanërisht në Kushtetutë që të mund të arrihet zgjidhje për emrin, pa irredentizëm dhe të ecë në procesin e integrimit në NATO dhe BE. I presim këto ndryshime, të cilat e potencoj se janë parakusht që të ekzistojë çfarëdo perspektive për integrim në NATO dhe BE”, ka thënë Pavlapoulos.

Ndërkaq zv.presidenti i Parlamentit Evropian dhe shefi i eurogrupit të Syrizës, Dimitris Papadimulis për mediat greke ka thënë se tani është shansi historik për zgjidhjen e kontestit dhe kjo do të bëhet me një marrëveshje ndërkombëtare./Telegrafi/