Policia austriake arrestoi 30 islamikë, por nuk kanë lidhje me sulmin e Vjenës

Policia austriake zhvilloi një aksion këtë mëngjes në katër provinca kundër personave dhe shoqatave që mbështesin Vëllazërinë Myslimane dhe Hamasin.

Zyra e Prokurorit të Shtetit në Graz urdhëroi një hetim kundër 70 të dyshuarve dhe si rezultat i këtij veprimi, 60 apartamente, shtëpi, lokale afariste dhe lokalet e shoqatës u kontrolluan.

Si rezultat i kontrollit, 30 persona u privuan nga liria, dmth ata u dërguan në një seancë urgjente, raporton reuters.

Prokuroria e Grazit deklaroi se po zhvillon një hetim kundër më shumë se 70 të dyshuarve dhe disa shoqatave dhe kompanive, për shkak të dyshimeve për financim terrorist, shoqatave kundër sigurisë së vendit dhe organizatat kriminale dhe pastrim parash.

U theksua se ky veprim nuk ka asnjë lidhje me sulmin terrorist në Vjenë më 2 nëntor, por është një veprim që rezultoi në bazë të një hetimi gjithëpërfshirës dhe intensiv njëvjeçar.

Aksioni policor u krye në lindje dhe juglindje të Austrisë. Aksioni filloi rreth orës pesë të mëngjesit dhe rreth 100 policë morën pjesë në të.

Operacioni policor në provincat e Vjenës, Steiermark, Austrisë së Ulët dhe Carinthia, gjatë të cilit u sekuestruan pajisje dhe dokumente elektronike, përfundoi rreth orës 8:30. /Telegrafi/