Stefano Pioli ka akuzuar skuadrën e tij se ishte ‘mendjemadhe’, pas humbjes së tyre me rezultat 3-2 ndaj Hapoel Beer-Sheba, rezultat ky që i rrëzoi nga Liga e Evropës.

Mauro Icardi dhe Marcelo Brozovic shënuan golat për gjigantin italian, duke kaluar në epërsi të dyfishtë ndaj izraelitëve, por në fund nuk arritën të mbajnë rezultatin, duke pranuar tri gola dhe kjo nuk i ka pëlqyer aspak trajneri italian.

Beer Sheva turpëron dhe eliminon Interin (Video) Beer Sheva turpëron dhe eliminon Interin (Video)

“Ne u ndalëm së luajturi si një ekip dhe u sollëm me mendjemadhësi. Kjo nuk duhet të ndodhë dhe ne nuk mund të përballojmë për të bërë këtë në qoftë se ne duam të fitojmë ndeshjen”, ka thënë Pioli pas ndeshjes.

“Ne kishim mundësi për të shkuar 3-0 dhe nuk e bëmë atë. Duhet të punojmë shumë. Nuk mund të luajmë një ndeshje të tillë me dy fytyra”.

“Në pjesën e parë ne e bëmë shumë mirë, keq në pjesën e dytë. Të gjithë ajo që duhet të bëjmë është të mbajmë këtë qëndrim”, përcjell Telegrafi.

Notat e lojtarëve: Hapoel 3:2 Inter Notat e lojtarëve: Hapoel 3:2 Inter

“Jemi duke punuar në të gjitha frontet: fizike, psikologjike dhe taktike. Një ekip që luan aq mirë në gjysmën e parë nuk mund të ofrojë një performancë të tillë në gjysmën e dytë”.

“Interi ka lojtarë me cilësi të mëdha, por ne duhet të dimë se si duhet të vuajmë nën presion. Sonte performanca nuk ishte e denjë për Interin”, përfundoi ish-trajneri i Lazios. /Telegrafi/