Ndeshje fantastike është zhvilluar në United Centër të Chicagos, ku Bulls kanë pësuar humbje nga Philadelphia 76ers.

Ka qenë një ndeshje me shumë rikthime në rezultat, por në fund mysafirët nga Philadelphia triumfuan me 11 pikë diferencë 108:119.

Qendra kamerunase Joel Embiid ka qenë i jashtëzakonshëm në këtë sfidë me 40 pikë, 10 kërcime e tre asistime.

Me lojë të mirë tek fituesit u dallua edhe Thobias Harria që shtoi 23 pikë, tetë kërcime e pesë asistime.

Tek skuadra vendase i jashtëzakonshëm ishte DeMar DeRozan me 45 pikë, nëntë kërcime e shtatë asistime, por që nuk mjaftuan për fitore.

Ndërkohë në Ball Arena të Denverir, Nuggets kanë mposhtur Brooklyn Nets me rezultat të thellë 124:104.

Reklama

Nuggets u rikthyen te fitoret pas tri humbjeve radhazi, derisa për Nets kjo ishte disfata e tetë e njëpasnjëshme. /Telegrafi/

Reklama