Përzgjedhësi i Belgjikës, Martinez: Lukaku lojtar i kompletuar fal Contes

Përzgjedhësi i Belgjikës, Roberto Martinez, ka thënë se Romelu Lukaku duhet të falënderojë trajnerin e Interit, Antonio Conte, që e ka kthyer në lojtar të kompletuar.

27-vjeçari po vazhdon të bëjë përshtypje të mira me Nerazzurrët, duke kontribuar me 17 gola në 22 ndeshje të Serie A këtë sezon, ndërsa prej kalimin në këtë klub ka shënuar 57 gola në 81 ndeshje garuese.

Martinez beson se lëvizja nga Manchester United në Inter erdhi në momentin perfekt për ish sulmuesin e Chelseat dhe Evertonit.

“Ai shënon si të tjerët. Krijon dhe shënon, krijon dhe shënon, krijon dhe shënon …”.

“Ai arriti në Milano në momentin perfekt. Ai u bë një lojtar i kompletuar, padyshim falë Contes”.

“Sot, në moshën e tij, nuk ka asnjë sulmues kaq të fortë sa ai”, ka thënë Martinez për La Gazzetta dello Sport.

Martinez shpjegoi se lojtari belg gjithmonë kishte potenciali për t’u bërë një lojtar vendimtar.

“Në të kaluarën, Romelu gjithmonë kishte potencialin për të qenë në gjendje të bënte atë që po demonstron tani në Milano. Për mua nuk është befasi”.

“Për herë të parë në histori, një lojtar ka shënuar në pesë derbi rresht. Kjo i ka ndodhur Lukakut dhe nuk mund të jetë rastësi”, deklaroi Martinez. /Telegrafi/