Përleshje midis mbështetësve palestinezë dhe një grupi pro-izraelit në Washington – tubime të njëjta pati edhe në New York

Demonstruesit u mblodhën në qytetin e Nju Jorkut për të shprehur mbështetjen e tyre për Palestinën ndërsa luftimet mes forcave izraelite dhe luftëtarëve të Hamasit vazhdojnë.

Mbështetësit pro-palestinezë mbajtën një tubim në Times Square dhe marshuan nëpër Midtown Manhattan ndërsa mbështetësit pro-izraelitë u mblodhën pranë konsullatës izraelite në Manhattan, shkruajnë mediat e huaja, përcjell Telegrafi.

Disa nga demonstruesit përcollën mesazhe solidariteti për Palestinën, duke valëvitur flamuj dhe duke shfaqur pankarta.

Lexo po ashtu Shumë viktima, të plagosur, pengje dhe të zhvendosur - gjithçka ndodhi në 33 ditë, që nga fillimi i luftimeve izraelito-palestineze më 7 tetor

Në anën e kundërt të zonës së protestës, u mblodhën një grup demonstruesish pro-izraelitë, duke mbajtur flamuj izraelitë.

Shkëmbime verbale dhe tallje ndodhën në mënyrë sporadike midis dy grupeve.

Protesta, e cila iu nënshtrua masave të gjera të sigurisë nga policia, përfundoi e qetë.

Ndërkohë në një video që po qarkullon në rrjetet sociale thuhet se shihet një përleshje midis mbështetësve palestinezë dhe një grupi pro-izraelit në Kirkland, Washington. /Telegrafi/

BREAKING:
Major clashes between Palestinian supporters and a pro-Israel group in Kirkland, Washington. ?? #GazaUnderAttack #hamasattack #Gaza #FreePalastine #Israel #IsraelPalestineWar #Palestina #طوفان_الأقصى #غزه_تقاوم

pic.twitter.com/pHbgtQVAMU

— Naseemian (@Naseemiann) October 9, 2023