Këngëtarja shqiptare që po ndërton karrierë ndërkombëtare, Era Istrefi, ka qenë një prej artistëve të ftuar në ceremoninë hapëse të Arenës Kombëtare, Air Albania Stadium.

Loja e parë debutuese në stadiumin e ri u zhvillua ndërmjet Shqipërisë dhe Francës që shënoi njëherësh edhe inaugurimin e arenës së re.

Artistë me emër në skenën tonë u ftuan që të interpretonin para publikut të pranishëm, ndërsa aty ishte edhe ylli nga Kosova.

Era performoi e shoqëruar me koreografi hitin e saj, “Live It Up”, të cilin e kishte realizuar në bashkëpunim me Nicky Jam dhe Will Smith për Kampionatin Botëror të vitit 2018.

Në ndërkohë, në një postim në Instagram, këngëtarja e ka publikuar një fotografi të sajën me përshkrimin: “Oh sa mirë të jesh unë”. /Telegrafi/

View this post on Instagram

Oh sa mire me kon une 😋♥️🖤💙💛

A post shared by Era Istrefi (@eraistrefi) on Nov 17, 2019 at 3:05pm PST