LAJMI I FUNDIT:

Pavarësisht sanksioneve, Sergei Lavrov ishte ftuar personalisht nga Aleksandar Vuciqi që ta vizitoj Serbinë

Pavarësisht sanksioneve, Sergei Lavrov ishte ftuar personalisht nga Aleksandar Vuciqi që ta vizitoj Serbinë

Ministri i Jashtëm rus Sergei Lavrov është dashur të vizitojë Serbinë në fillim të qershorit, që do të ishte edhe vizita e tij e parë në këtë pjesë të Evropës që nga nisja e agresionit ushtarak të Rusisë në Ukrainë.

Siç mësojnë mediet e pavarura serbe, ardhja e Lavrovit në Beograd është iniciuar personalisht nga presidenti Aleksandar Vuçiq gjatë bisedave me homologun rus Vladimir Putin.

Në ditët e para të këtij muaji, Serbia e gjeti veten në qendër të një lufte diplomatike midis Rusisë dhe Perëndimit. Shefi i diplomacisë ruse duhej të bënte një vizitë dy-ditore në Beograd, më 6 dhe 7 qershor, por ajo ishte anuluar ngase Bullgaria, Mali i Zi dhe Maqedonia e Veriut e ndaluan atë të fluturonte mbi territoret e tyre.

Lavrov, i cili është nën sanksionet e Bashkimit Evropian, ka marrë ftesë për të vizituar Serbinë nga vet Vuçiqi.

“Gjatë një bisede telefonike me Vladimir Putinin, e cila u zhvillua në fund të majit, Vuçiq ftoi ministrin e Jashtëm rus të vizitojë Serbinë. Pala ruse pranoi që propozimi dhe përgatitjet për vizitën të fillojnë menjëherë”, raportojnë mediet serbe duke cituar burimet e qarqeve diplomatike.

Iu ndalua fluturimi në zonat ajrore nga vendet e Ballkanit, konfirmohet edhe zyrtarisht anulimi i vizitës së Lavrovit në Serbi
Lexo po ashtu Iu ndalua fluturimi në zonat ajrore nga vendet e Ballkanit, konfirmohet edhe zyrtarisht anulimi i vizitës së Lavrovit në Serbi

Duke pasur parasysh se qëllimi i bisedimeve mes Vuçiqit dhe Putinit ishte marrëveshja e re e gazit ndërmjet Serbisë dhe Rusisë, pritej që Lavrov ta konfirmonte këtë me ardhjen e tij.

“Lavrov nuk e ka ftuar veten të vijë në Serbi, siç është thënë. Pala serbe ishte e gatshme për ta pritur, por padyshim nuk pritej reagimi i ashpër i Bashkimit Evropian”, nënvizojnë këto burime.

Pas anulimit të vizitës së Lavrovit nga Kremlini mbërriti një mesazh se “Serbisë i është marr politika e jashtme”.

“Diçka e paimagjinueshme ka ndodhur. Shtetit sovran [Serbisë] i është hequr e drejta për të ndjekur politikën e jashtme. Aktivitetet ndërkombëtare të Serbisë në drejtimin rus janë bllokuar. Nëse vizita e ministrit të Punëve të Jashtme të Federatës së Rusisë në Perëndim perceptohet si një kërcënim në shkallë botërore, atëherë nga të gjitha pikëpamjet, gjërat qëndrojnë shumë keq atje”, është shprehur Lavrov.

Analisti serb Jakshiq: Serbia ka shkelur zotimin e neutralitetit, Aleksandar Vuçiq ka frikë nga Vladimir Putini
Lexo po ashtu Analisti serb Jakshiq: Serbia ka shkelur zotimin e neutralitetit, Aleksandar Vuçiq ka frikë nga Vladimir Putini

Burimet diplomatike bëjnë të ditur se nga kjo deklaratë e Sergei Lavrovit, bëhet me dije se me iniciativën e Serbisë i është bërë ftesë një diplomati rus për të vizituar Beogradin.

“Lavrov dhe Putin e pranuan ftesën e Vuçiqit, sepse ata e shohin Serbinë si një partner mjaftë të rëndësishëm në këtë pjesë të Evropës dhe për këtë arsye pala ruse e ftoi ministrin e Jashtëm serb të vijë në Moskë”, theksojnë këto burime.

Pasi u bë e qartë se Lavrovi nuk do të vinte në Beograd, presidenti Vuçiq kishte thënë se nuk ishte i befasuar nga ky epilog.

Kujtojmë se Serbia është i vetmi vend në Ballkan që nuk i ka vendosur sanksione ekonomike Rusisë. /Telegrafi/

Në trend Botë

Më shumë
Votimi kundër Kosovës në Këshillin e Evropës nga Mali i Zi, heshtin kryeministri Spajiq, ministri i jashtëm Ivanoviq dhe partia në pushtet “PES”

Votimi kundër Kosovës në Këshillin e Evropës nga Mali i Zi, heshtin kryeministri Spajiq, ministri i jashtëm Ivanoviq dhe partia në pushtet “PES”

Botë
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Evropa
Një veprim që ka

Një veprim që ka "fituar zemrat në mbarë botën" - oficeri i sigurisë në Mekë ndihmon pelegrinin me aftësi të kufizuara për të parë Qaben

Botë
Ukrainasit rrëzojnë aeroplanin ushtarak rus që kushton gati 80 milionë euro

Ukrainasit rrëzojnë aeroplanin ushtarak rus që kushton gati 80 milionë euro

Evropa
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Botë
Në Çeki zbulohet një rrjet propagande i financuar nga Rusia

Në Çeki zbulohet një rrjet propagande i financuar nga Rusia

Evropa
Kalo në kategori