LAJMI I FUNDIT:

Parashikim: Liverpooli dhe PSG zhvillojnë kryendeshjen e xhiros së parë

Parashikim: Liverpooli dhe PSG zhvillojnë kryendeshjen e xhiros së parë

Gara më e madhe evropiane për klube, Liga e Kampionëve, rikthehet me xhiron e parë të fazës grupore për sezonin 2018/2019.

Anfield Road është arena e kryendeshjes së të martës, ku do të ndeshen Liverpooli dhe Paris Saint-Germaini.

Të rejat nga skuadra e Liverpoolit

Kapiteni Jordan Henderson ishte në bankën rezervë në ndeshjen kundër Tottenham Hotspur në fundjavë, ndërsa Jurgen Klopp pritet ta angazhojë nga minuta e parë në përballjen ndaj PSG-së.

Lajmet për Liverpoolin
Lexo po ashtu Lajmet për Liverpoolin

Roberto Firmino ka pësuar një lëndim në sy kundër Spursave dhe mbetet në dyshim për lojë. Me Dominic Solanke dhe Divock Origi në dyshim për shkak të lëndimeve, Daniel Sturridge është favorit për të startuar në rast të se Firmino nuk mund të luajë.

Simon Mignolet është kthyer nga lëndimi dhe të shtunën ishte në bankën rezervë të Redsave.

Mungesat e Liverpoolit
Dejan Lovren (i lënduar)
Adam Lallana (i lënduar)
Alex Oxlade Chamberlain (i lënduar)
Roberto Firmino (në dyshim)
Divock Origi (në dyshim)
Dominic Solanke (në dyshim)

Të rejat nga skuadra e Paris Saint-Germainit

Gianluigi Buffon nuk luan për shkak të suspendimit (Foto: Getty Images)

Gianluigi Buffon dhe Marco Verratti janë të pezulluar për shkak të suspendimeve nga sezoni i kaluar.

Alphonse Areola do të startojë në portë në mungesë të Buffon, derisa Marquinhos mund të angazhohet në fushë për të zënë vendin e Verrattit.

Neymar dhe Kylian Mbappe nuk startuan ndaj Saint-Etienne të premten, ndërsa të dy lojtarët ofensivë pritet të fillojnë nga minuta e parë kundër Liverpoolit.

Mungesat e Paris Saint-Germainit
Layvin Kurzawa (i lënduar)
Dani Alves (i lënduar)
Gianluigi Buffon (i suspenduar)
Marco Verratti (i suspenduar)

Lajmet për PSG
Lexo po ashtu Lajmet për PSG

Formacionet e mundshme

Formacionet e mundshme, Liverpool v PSG (Foto: WhoScored)

Fakte

Në 15 ndeshjet e fundit të Paris Saint-Germainit në Ligën e Kampionëve janë shënuar mbi 2.5 gola për ndeshje.

Në 10 nga 11 ndeshjet e fundit të Liverpoolit në Ligën e Kampionëve janë shënuar mbi 2.5 gola për ndeshje.

PSG i ka humbur tri ndeshjet e fundit në garën më të madhe evropiane për klube.

Liverpooli ka pranuar se paku dy gola në tri ndeshjet e fundit në këtë garë.

Paris Saint-Germaini ka pranuar se paku dy gola në tri ndeshjet e fundit në Ligën e Kampionëve.

Parashikimi

Liverpooli e ka nisur Ligën Premier me pesë ndeshje të njëpasnjëshme për herë të parë në histori të klubit.

Paris Saint-Germaini po ashtu ka rekord të qind për qindtë në këtë fillim sezoni në Ligue 1 nën drejtimin e Thomas Tuchel.

Klubi francez ka shënuar gola në të gjitha 16 ndeshjet e fundit në Ligën e Kampionëve, mirëpo i ka humbur dy ndeshjet e fundit si mysafir.

Kjo pritet të jetë një ndeshje argëtuese për futbolldashësit me gola, pasi janë dy skuadra që zhvillojnë futboll ofensiv.

Rezultati i mundshëm

Liverpool 3-1 Paris Saint-Germain

/Telegrafi/

Në trend Sport

Më shumë
“Doja të shihja vetëm gjëra që lidhen me vdekjen, nuk është për të çmendurit”, historitë e disa yjeve botërore që kanë vuajtur nga depresioni

“Doja të shihja vetëm gjëra që lidhen me vdekjen, nuk është për të çmendurit”, historitë e disa yjeve botërore që kanë vuajtur nga depresioni

Ndërkombëtare
Zbulohet emri i vërtetë i Kylian Mbappes - ka lënë të shokuar fansat e tij

Zbulohet emri i vërtetë i Kylian Mbappes - ka lënë të shokuar fansat e tij

Ligue 1
Lojtari i Arsenalit merr një 'kontratë rekord' që nuk është parë më parë në Emirates

Lojtari i Arsenalit merr një 'kontratë rekord' që nuk është parë më parë në Emirates

Premier League
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
Liverpooli heq dorë nga Xabi Alonso, Klopp do të pasohet nga 39-vjeçari pak i njohur

Liverpooli heq dorë nga Xabi Alonso, Klopp do të pasohet nga 39-vjeçari pak i njohur

Premier League
Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?

Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?

Ndërkombëtare
Kalo në kategori