Fundjavën e kaluar, këngëtarja nga Shqipëria, Jonida Maliqi, ka dhënë një intervistë ekskluzive për Exctra, teksa ka folur për fustanin e saj dhe mesazhin që dëshiron ta transmetojë te publiku.

Jonida ka dhënë shfaqje solide gjatë provave të saj dhe kjo mund të jetë për shkak se ndihet shumë rehat në skenë. Ajo gjithashtu ka treguar disa detaje shtesë rreth veshjes, gjersa thotë se përmban elemente të fibrave të artë.

Për më tepër, Maliqi ka treguar përvojat e saj gjatë kësaj kohe, të cilat i quajti si “muaj mjalti”, ndërkohë që intervistën e ka përfunduar me një mesazh shumë të rëndësishëm: “Mos i harroni rrënjët tuaja, por mos e harroni as veten”.

Theksojmë se këngëtarja 36 vjeçare pritet të performojë në natën e dytë gjysmëfinale të “Eurovision 2019”.

“Ktheju Tokës”, titullohet kënga përfaqësuese e saj, e cila sipas sondazheve, ishte renditur në vendin e dytë. /Telegrafi/