Paneli i Ligës Premier vendos për golin e fitores së Newcastle kundër Arsenalit, pranon se gjyqtari bëri dy gabime

Paneli i Pavarur i Incidenteve të Ndeshjeve kryesore të Ligës Premier ka vendosur se vendimi i VAR-it për të pranuar golin e fitores së Newcastle United kundër Arsenalit të shtunën ishte i saktë – por pranuan se gjyqtarët bënë dy gabime kryesore.

Fitorja 1-0 e Newcastle ndaj Arsenalit mbeti nën hijen e VAR-it, i cili doli në qendër të skenës kur Anthony Gordon futi topin në portën boshe në St James’ Park.

Ndeshja u ndërpre që gjyqtarët të kontrollonin tre incidente të veçanta për golin e “Laraskave”.

Në pamje të parë, topi fillimisht dukej se ishte jashtë loje përpara se Joe Willock të arrinte dhe ta harkonte në zonën e rrezikut, por VAR-i vendosi se kishte ‘prova jo bindëse’, përpara se të kontrollonte për një faull ndaj Gabriel Magalhaes.

Lexo po ashtu A duhej të pranohej goli i Newcastle? Pamje të reja shfaqen në internet dhe tifozët e Arsenalit janë të inatosur

Pasi kjo u konsiderua e ligjshme, gjyqtarët shikuan një pozicion jashtë loje kundër Gordon përpara se gjyqtarit Stuart Atwell t’i jepej përfundimisht drita jeshile për të pranuar golin.

Pas vërshëllimës së fundit, Arteta goditi VAR-in dhe Ligën Premier për mospërputhjet e tyre, duke pretenduar se ai ndihej i “turpëruar” që ishte një pjesëtar i kësaje lige.

Megjithatë, sipas mediumit ESPN, një rishikim i pavarur ka konfirmuar se gjyqtarët kishin të drejtë për pranimin e golit të Newcastle ndaj Arsenalit.

Lexo po ashtu Arteta i nervozuar pas humbjes nga Newcastle: I turpëruar për atë që ndodhi në këtë ndeshje

Raporti pretendon se komiteti votoi 4-1 në favor të golit, duke deklaruar se “megjithëse Joelinton ka duart e tij te Gabriel, nuk ka mjaftueshëm kontakt për të dhënë një faull pasi Gabriel kishte bërë një veprim për të luajtur topin përpara çdo kontakti”, ndërsa vendosi gjithashtu se kishte prova të pamjaftueshme për të mos lejuar golin bazuar në dy veprat faktike.

Megjithatë, paneli njëzëri ra dakord që Kai Havertz duhej të kishte marrë një karton të kuq për ndërhyrjen e tij të pamatur ndaj Sean Longstaff në minutën e 36-të, duke thënë se ishte “një ndërhyrje shumë e rrezikshme dhe lloji i ndërhyrjes që duhet të zhduket”.

Ndërkohë, ata ranë dakord, me një vendim të ndarë 3-2, që bërryli i Bruno Guimaraes në kokën e Jorginhos së Arsenalit në pjesën e parë duhet të kishte rezultuar gjithashtu në një përjashtim. /Telegrafi/