Pa ujë për pije sot disa pjesë të Shkupit

Pa ujë për pije sonte prej orës 20 deri në përfundimin e punës do të mbeten disa pjesë të Aerodromit dhe Lisiçes së Re (zona e lartë – objektet banesore mbi katin e pestë), Pripori, Sopishtja, Rakotinci dhe Dobri Dolli, si dhe një pjesë e Kisella Vodës në rr “Hristo Tatarçev” krahu 2, Zona e Servisit Jug, një pjesë e bulevardit “Boris Trajkovski” dhe një pjesë e bulevardit “Serbia” ( nga rrethrrotullim i ri deri te bulevardi “Boris Trajkovski”, kumtuan nga NP “Ujësjellësi dhe Kanalizimi – Shkup”.

Ndërprerja në furnizimin me ujë është për shkak të rikonstruimit të ujësjellësit që do të bëhet te rrethrrotullimi mes rr. “Hristo Tatarçev” dhe bulevardit “Serbia” (stacioni i fundit i 24).

Projeksioni planor i NP “Ujësjellësi dhe Kanalizimi – Shkup”, theksojnë prej atje, është se aktivitetet e punës duhet të përfundojnë në periudhën prej orës 12 deri në orën 18, që do të thotë se furnizim normal me ujë shfrytëzuesit do të kenë nesër në periudhën prej orës 8 deri në orën 14.

Pasi që do të punohet gjatë natës NP “Ujësjellësi dhe Kanalizimi – Shkup” për banorët e vendbanimeve të përmendura do të sigurojë cisterna me ujë për pije. Gjithashtu, nga Ndërmarrja Publike informojnë se çezmat e rrugës në lagjet Aerodrom dhe Lisiçe e Re do të funksionojnë pa pengesë, informojnë nga NP “Ujësjellësi dhe Kanalizimi”./Telegrafi/