Ozzy Osbourne ka caktuar data të reja për koncertet e tij, pasi u detyrua ta anulonte turneun për shkak të problemeve shëndetësore – raporton Sky News.

‘Princi i Errësirës’ në muajin shkurt i anuloi koncertet, pasi u diagnostikua me inflamacion të mushkërive.\

Ozzy Osbourne e anulon turneun për shkak të sëmundjes së mushkërive Ozzy Osbourne e anulon turneun për shkak të sëmundjes së mushkërive

Në ndërkohë, derisa po shërohej në shtëpinë e tij në Los Angeles u lëndua në vendin ku kishte pësuar dëmtim në një aksident komunikacioni në vitin 2003, ashtu që nuk mund të vazhdonte me turneun.

Ozzy Osbourne (Foto: Kevin Winter/Getty Images for Live Nation/Guliver)

Megjithatë, ai ka arritur t’i tejkalojë problemet shëndetësore duke njoftuar se do të mbajë koncerte në Britani të Madhe dhe në Evropë duke filluar nga janari i vitit të ardhshëm.

“Jam vërtet i gëzuar që po kthehem në Evropë me koncertet e reja. Faleminderit të gjithë fansave që më kanë mbështetur dhe kanë pritur shpalljen e datave të reja. Mezi pres t’ju shoh në vitin e ardhshme”, ka thënë veterani i muzikës rok. /Telegrafi/