Owen i thotë Unitedi të fokusohet në transferimin e Haalandit: Vetëm me të mund të luftojnë për titullin e Ligës Premier

Ish-sulmuesi i Manchester United, Michal Owen ka thënë se Djajtë e Kuq duhet të fokusohen në transferimin e Erling Haalandit nga Borussia Dortmundi.

Siç raportohet në mediat angleze, Ole Gunnar Solskjaer do të ketë një buxhet modest 90 milionë euro për transferimin e kësaj vere.

Unitedi besohet se ka në plan që t’i vazhdojë kontratën Edinson Cavanit edhe për një tjetër edicion, por nuk mund të mohohet fakti se duan edhe një sulmues tjetër.

Lexo po ashtu Garë e nxehtë për Topin e Artë – kush është favoriti?

Kështu, Owen beson se opsioni më i mirë për ish-skuadrën e tij do të ishte Haaland që po kalon nëpër një formë tejet të lartë dhe që po vazhdon gjithnjë të rritet.

I pyetur se për cilën pozitë Unitedi ka nevojë, legjenda angleze ka thënë: “Natyrisht se një sulmues qendror”.

Lexo po ashtu Manchester City është lider në garën për transferimin e Haalandit

“Një emër që është në mendjen e të gjithë, Haaland. E keni parë tashmë çfarë mund të bëjë dhe besoj se me të, Manchester United do të luftonte për titullin e Ligës Premier”.

“Çdo skuadër e madhe është vënë pas tij dhe natyrisht se nuk duan të lëshojnë rastin që ta kenë në ekipin e tyre, mirëpo ai përshtate shumë në filozofinë e lojës që bën United”, ka shtuar më tej Owen. /Telegrafi/