Nuk e kënduan himnin: Futbollistët iranianë paralajmërohen nga zyrtarët e Teheranit për “fyerjen” që ia bën shteti

Futbollistët e Iranit janë paralajmëruar nga zyrtarët në Teheran se do të përballen me ndëshkim për vendimin e tyre fyes për të mos kënduar himnin e tyre kombëtar përpara ndeshjes së tyre në Kampionatin Botëror kundër Anglisë.

Skuadra mund të përballet me ndëshkim nëse refuzon të këndojë himnin kombëtar të Iranit në ndeshjet e mbetura, paralajmëroi një politikan iranian, që do të thotë se  të gjithë sytë do të jenë te skuadra gjatë ndeshjes së tyre kundër Uellsit të premten.

Medhi Chamran, kryetari i këshillit të qytetit të Teheranit, paralajmëroi se vendi nuk do të lejojë askënd të ofendojë himnin, raporton The Guardian.

Skuadra kombëtare iraniane kishte qëndruar e heshtur teksa himni luhej në stadiumin “Khalifa International” të hënën përpara humbjes 6-2 ndaj Tre Luanëve.

Ajo u pa si një qëndrim solidariteti me protestat që aktualisht po përfshijnë Iranin pas vdekjes së Mahsa Amini në paraburgimin e policisë morale të Iranit më 16 shtator.

22-vjeçarja vdiq tre ditë pas arrestimit të saj në Teheran për shkeljen e dyshuar të kodit islam të veshjes për gratë.

Një deputet konservator në Kurdistan bëri thirrje gjithashtu që ekipi iranian i futbollit të zëvendësohet nga të rinj besnikë që janë të gatshëm të këndojnë himnin kombëtar, raporton më tej The Guardian. /Telegrafi/

#Iran football players refuse to sing national anthem before their #FIFAWorldCup opener in support of anti-hijab protesters.

Sometimes, not singing national anthem becomes true patriotism.https://t.co/Si2gczPSNS

— Shailesh Shrivastava (@ShriShailesh) November 21, 2022