Me 16 janar të vitit të kaluar, në veri të Mitrovicës ishte vrarë politikani serb, Oliver Ivanoviq. Kur janë bërë një vit nga ky rast, tre persona janë arrestuar, të cilët akuzohen për ndihmë në kryerjen e vrasjes, derisa dy të tjerë po mbrohen në liri.
Në lidhje me hetimet që dorasit të dalin para drejtësisë, institucionet në Kosovë kanë pranuar një raport nga Beogradi.
Prokurori special, Sylë Hoxha në një prononcim për Telegrafin ka thënë se ai raport nuk ka prova konkrete që do të mund të ndikonin në zbardhjen e rastit.
Hoxha ka deklaruar se materiali në fjalë, vështirë se do të ndihmojë në gjetjen e kryerësve të vrasjes.
“Ne kemi pranuar një material nga Serbia, po që shumë pak do të na ndihmojë. E kemi pranuar materialin dhe shkresa të lëndës por që me thanë të na ndihmojë, ndriçojë rastin, apo zgjerimin e hetimeve, apo të na çojë tek ndonjë veprim konkret, nuk po mundem t’i vlerësojë për momentin. Nuk kemi diçka shumë konkrete, apo që do të na ndihmonte në zbardhjen e vrasjes”, ka thënë Hoxha.
Prokurori special ka përmendur dy pengesa, që sipas tij po vështirësojnë punën e organeve të drejtësisë ta zbardhin rastin.
Hoxha është shprehur se dëshmitarët në veri janë të frikësuar, ndërkaq ka kritikuar Beogradin, që nuk ka ofruar materialet e nevojshme për të gjetur autorët.
“Ne i kemi dy pengesa kryesore: dëshmitarët aq janë të frikësuar në pjesën veriore, shumë vështirë deklarohen. Ata haptasi e pranojnë se janë të frikësuar. Dhe e dyta organet e Serbisë nuk kanë qenë të gatshëm të na ndihmojnë me fakte konkrete, për shembull hyrje-daljet, bisedat në telefonin e viktimës, ata i përmendin vetëm disa emra apo numra. I ndjeri ka komunikuar edhe me kryetarin e Serbisë, e ka njoftuar për disa kërcënime dhe shqetësime që i ka pasur. Mirëpo nuk i kemi ato”, është shprehur Hoxha për Telegrafin.
Prokurori Hoxha gjithashtu ka bërë të ditur, se kamerat në zyrën e Oliver Ivanoviqit nuk kanë punuar deri në momentin kur ka përfunduar vrasja.
Ai ka theksuar se për këtë janë disa të dyshuar, të cilët po hetohen.
“Është e vërtetë kamerat në zyrën e tij e kemi të vërtetuar, që pas vrasjes janë aktivizu. Edhe për atë punë disa njerëz janë duke u hetuar, pse nuk kanë punuar dhe pse janë aktivizuar bash në kohën kur është kryer vrasja”, ka përfunduar Sylë Hoxha.
Në lidhje me vrasjen e Ivanoviqit, në fundin e vitit të kaluar Policia kishte ndërmarrë një aksion ku kishte arrestuar katër persona.
Në atë aksion Policia nuk kishte arritur të arrestonte edhe Milan Radojiçiqin, që është nga Prokuroria është i dyshuar për përfshirje në këtë akt.
Ditë më parë në një konferencë për media, presidenti Thaçi ishte shprehur se “vrasësit e Ivanoviqit janë në Beograd”. /Telegrafi/
Lufta Prigozhin - Putin
Më shumëNë sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Çitaku: Rezultati i zgjedhjeve të përgjithshme do të jetë befasues
Rashiq për stërvitjet ushtarake serbe: Duan vetëm t’i tregojnë muskujt
Çka tha diplomati slloven Zhbogar në OKB që u irritua Vuçiqi?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre