Një truk i ‘psikologjisë së kundërt’ do t’ju ndihmojë të bini në gjumë në pak minuta

Nuk ka dyshim se jeni shtrirë dhe kthyer në shtrat më shumë se një herë, sepse nuk mund të flini dhe keni qëndruar zgjuar derisa minutat dhe orët kalojnë.

Pagjumësia konsiderohet të jetë një problem i rregullt për një numër të madh njerëzish. Nëse jeni një nga ata që zgjohen jo të freskët ditë pas dite, një mjek ka zbuluar një këshillë “të çuditshme” për t’ju ndihmuar të gjeni rrugën drejt gjumit.

Lexo po ashtu A zgjoheni në mes të natës dhe më pas nuk arrini të flini përsëri? Ja si të shpëtoni nga ky problem

Doktori Karan Rajan tha se vuante nga pagjumësia kur filloi të punonte si mjek. Në fillim, ai nuk mendoi se këshilla e tij në dukje kundërproduktive – që përfshin pak psikologji të kundërt ose ‘qëllim paradoksal’ – do të funksiononte.

Megjithatë, mjeku u befasua se sa lehtë e ndihmoi në betejën e tij me pagjumësinë.

Lexo po ashtu Çfarë mund të konsumoni para se të flini? Këto ushqime nuk do t'ju zgjojnë, por do t'ju ndihmojnë të keni gjumë të qetë

Duke shpjeguar si ta bëni këtë, ai tha: “Në thelb, i thoni vetes: ‘Unë nuk do të fle’ dhe qëndroni zgjuar. Thjesht shtriheni në shtrat, me sytë hapur dhe e detyroni veten të qëndroni zgjuar. Thoni vetes: ‘Mos fli, mos fli’. Në shumicën e rasteve, do të ndiheni të lodhur dhe do të flini, dhe kjo do të ketë sukses”.

Mjeku sqaroi se kjo teknikë quhet ‘objektivi paradoksal’. /Telegrafi/