Një shofer kamioni amerikan bën një gabim multi milionësh, godet urën teksa si ngarkesë kishte një helikopter

Më herët kemi parë një Jeep Wagoneer dhe një Range Rover duke u dëmtuar gabimisht nga shoferët e transportit dhe urat e ulëta.

Por një shofer kamioni në Luiziana të SHBA-së është përplasur me një urë teksa kishte një helikopter.

Mekanizmi kryesor i rotorit të helikopterit transportues Sikorsky S-92 u përplas me mbështetëset prej çeliku dhe betoni të urës, duke prerë njësinë nga pjesa tjetër e helikopterit, dhe gjatë këtij procesi duke çuar në derdhjen e lëngut hidraulik.

Në imazhet e shpërndara në platformën e mediave sociale X, helikopteri mund të shihet i ngecur nën urë, me një foto tjetër që tregon pjesën e shkëputur të rotorit të hequr nga pjesa tjetër e fluturakes, shkruan Drive, përcjell Telegrafi.

Whoops… A Sikorsky S-92 helicopter get’s lodged underneath an overpass in Louisiana today. The main rotor head struck a concrete pillar knocking the $20 million dollar machine off a flatbed and sending hydraulic fluid everywhere. Most likely this is heading to the Gulf of Mexico… pic.twitter.com/nfYlW1io2O

— Thenewarea51 (@thenewarea51) September 22, 2023

Komenti i postimit vë në dukje se për shkak të natyrës së brishtë të funksionimit të helikopterit, një ndikim i kësaj ashpërsie ka të ngjarë ta bëjë avionin të padenjë, që do të thotë se i gjithë helikopteri milionësh do të duhet të hudhej.

Raporti thekson se drejtuesi i mjetit është gjobitur për veprim të pakujdesshëm, dhe është bërë e ditur se nuk ka dëme të konsiderueshme në urë.

Sikorsky S-92 është një helikopter i madh transporti që përdoret si për nevoja civile ashtu edhe për ato ushtarake. Kompanitë e kërkimit të naftës dhe gazit shpesh përdorin aeroplanë S-92 për të transportuar personelin në platformat detare, pasi versioni civil mund të pajiset me 19 ulëse dhe ofron një distancë prej rreth 1,000 kilometrash.

Një S-92 i ri thuhet se ka një kosto prej rreth 32 milionë dollarë. /Telegrafi/