Një ndryshim në shputa mund të jetë shenjë e pamjaftueshmërisë së zemrës, kontrolloni edhe për simptoma tjera
Zemra është një nga organet kryesore, andaj është e rëndësishme t’u kushtoni vëmendje shenjave dhe simptomave që mund të tregojnë sëmundje të sistemit kardiovaskular.
Mjekët kanë paralajmëruar se një ndryshim në shputat tuaja mund të jetë një shenjë se keni pamjaftueshmëri të zemrës, prandaj duhet të shkoni te mjeku sa më shpejt të jetë e mundur.
Zemra është organ vital përgjegjës për pompimin e gjakut përreth trupit, kështu që është thelbësore që të jetë në gjendje të përsosur pune, pasi pasojat mund të jenë fatale. Sëmundjet kardiovaskulare janë ndër shkaktarët kryesorë të vdekjeve në botë, ndërsa miliona njerëz jetojnë me pamjaftueshmëri të zemrës.
Shërbimi Shëndetësor Kombëtar në Angli (NHS) edukon çdo ditë për simptomat e sëmundjeve të zemrës, përfshirë dhimbjen e gjoksit. Megjithatë, ka shumë shenja të tjera më pak të njohura që, nëse jemi të vetëdijshëm, mund të na shpëtojnë jetën, duke përfshirë këmbët e fryra.
Profesor David Newby, nga Fondacioni Britanik i Zemrës në Universitetin e Edinburgut, këshillon që t’i kushtojmë vëmendje të veçantë nyjave.
“Kjo nuk duhet të injorohet, veçanërisht nëse nyjat e shputave bëhen vërtet të mëdha, pasi mund të jetë një shënues i pamjaftueshmërisë së zemrës, por gjithashtu është shumë i shpeshtë dhe ndodh si pasojë e shumë shkaqeve tjera. Mund të shkaktohet po aq lehtë nga tabletat që po merrni – për shembull, ilaçet për presionin e gjakut mund të çojnë në ënjtje të nyjave të shputës”, citon BHF fjalët e Newby.
Është e rëndësishme të dini se ënjtja mund të ndodhë edhe në pjesë të tjera të trupit, të cilat gjithashtu mund të paralajmërojnë për pamjaftueshmërinë e zemrës.
Kështu, pamjaftueshmëria kronike e zemrës mund të shkaktojë edhe ënjtje në zonën e stomakut. Kjo gjendje gjithashtu mund të shkaktojë grumbullimin e lëngjeve në mushkëri, e cila njihet si edemë pulmonare dhe mund të çojë në frymëzënie.
Siç shpjegon profesor Newby, pjesët e ënjtura të trupit mund të shkaktohen nga qëndrimi ulur për një kohë të gjatë, konsumimi i sasive të mëdha të ushqimit të kripur, para menstruacioneve dhe shtatzënisë. Përveç kësaj, është gjithashtu një efekt anësor i ilaçeve për presionin e gjakut, NSAID-ve, steroideve dhe diabetit.
Prandaj, do të ishte më mirë të kontrolloni për simptoma tjera të sëmundjes së zemrës, si: dhimbje gjoksi, ndjesi djersitjeje, dhimbje në krah, këmbë, nofull ose shpinë, djersitje, dhimbje stomaku, ndjesi mbytjeje, lodhje ekstreme dhe rrahje të çrregullta të zemrës. /Telegrafi/
Lufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur