Një model i ri po vjen, një veturë Tesla nën 30 mijë euro!

Kompania Tesla po zhvillon modelin e ardhshëm Model Q me emrin e koduar Redwood, dhe kjo veturë elektrike pritet në vitin 2025.

Modeli Q thuhet se do të kushtojë më pak se 30,000 dollarë (dhe ndoshta edhe 25,000 dollarë), do të jetë më i vogël dhe më i lehtë se Modeli 3 dhe do të ketë një rreze distance prej 500 kilometrash, transmeton Telegrafi.

Tesla ka dominuar prej kohësh tregun e veturave elektrike falë modeleve të saj premium si Model S dhe Model X, si dhe opsioneve pak më të përballueshme si Model 3 dhe Model Y.

Megjithatë, përballueshmëria mbetet një nga sfidat kryesore për zgjerimin e adoptimit të veturave elektrike, veçanërisht në tregjet konkurruese si Kina dhe SHBA.

Për të adresuar këtë çështje, Tesla po përgatitet të zbulojë veturën e saj më të përballueshme deri më tani, Model Q.

Kjo veturë u përfol në fillim të këtij viti dhe u tha se mund të kishte një kompjuter HW5 FSD për ngasje autonome me një procesor modern 3nm.

I koduar nga brenda Redwood, Model Q do të jetë 15% më i vogël dhe 30% më i lehtë se Modeli 3 me një gjatësi prej 3,988 mm.

Duke ulur madhësinë dhe peshën, Tesla me siguri do të reduktojë kostot e prodhimit, gjë që do t’i lejojë kompanisë të konkurrojë më drejtpërdrejt me rivalët më të përballueshëm në një treg gjithnjë e më konkurrues.

Modeli Q do të mundësohet nga bateritë LFP me kapacitet 53 dhe 75 kWh, të cilat do të mundësojnë një distancë deri në 500 kilometra. Përveç baterive, klientët do të mund të zgjedhin mes të pasme dhe me të gjitha rrotat.

Strategjia e Tesla-s për Model Q shkon përtej përballueshmërisë, pasi vetura do të kushtojë rreth 19,280 dollarë në Kinë, gjë që mund të jetë një avantazh në një treg shumë konkurrues. /Telegrafi/