Rreth një e katërta e forcave ruse të përdorura në pushtimin e Ukrainës janë “në mënyrë efektive jofunksionale”, sipas një zyrtari evropian, pas humbjeve të rënda dhe logjistikës së dobët, si dhe mungesës së mbështetjes.
Rusia kishte grumbulluar rreth 120 grupe taktike të batalioneve (BTG), rreth Ukrainës përpara fillimit të agresionit, shkruan CNN, përcjell Telegrafi.
Dhe gjashtë javë pas fillimit të agresionit, afërsisht 29 prej tyre tani janë jashtë funksionit, tha zyrtari.
Forcat ruse janë përpjekur të kombinojnë disa nga pjesët e mbetura të BTG-ve në njësi luftarake koherente, duke përdorur mbetjet e dy ose tre BTG-ve për të bërë një, shtoi zyrtari.
Komentet vijnë pasi zëdhënësi i Kremlinit, Dmitry Peskov pranoi shkurtimisht se Rusia kishte pësuar humbje “të rëndësishme” të trupave të saj në Ukrainë, duke e quajtur atë “një tragjedi të madhe” për vendin në një intervistë me Sky News.
I pyetur nëse tërheqja e trupave ruse nga Kievi dhe rajoni i tij mund të shihet si “poshtërim” për Kremlinin, Peskov tha se përdorimi i këtyre fjalëve do të ishte “një kuptim i gabuar i situatës”.
“Ne kemi humbje të konsiderueshme trupash dhe kjo është një tragjedi e madhe për ne”, pranoi Peskov, përpara se të pretendonte se arsyeja e tërheqjes së Rusisë nga rajonet e Kievit dhe Chernihiv ishte “një akt i vullnetit të mirë gjatë negociatave midis delegacioneve ukrainase dhe ruse”.
Peskov shtoi se Rusia e bëri këtë për të “hequr tensionin nga ato rajone në mënyrë që të tregojë se Rusia është vërtet e gatshme të krijojë kushte komode për vazhdimin e negociatave”.
CNN shkruan se nuk ka qenë në gjendje të verifikojë se sa trupa ruse janë vrarë në Ukrainë.
Sidoqoftë, muajin e kaluar, tabloidi rus pro-Putin Komsomolskaya Pravda raportoi se numri ishte 9,861 — shumë herë më i lartë se shifrat zyrtare nga Kremlini.
Shifra, e cila iu atribuua ministrisë dhe më vonë u tërhoq nga gazeta – e cila pretendonte se ishte hakuar – nuk u konfirmua nga Kremlini.
Zyrtarët e SHBA-së dhe NATO-s vlerësuan muajin e kaluar se viktimat ruse variojnë nga 3,000 deri në 10,000. E zyrtarët ukrainas kanë pohuar se numri është edhe më i lartë. /Telegrafi/
Lufta Prigozhin - Putin
Më shumëZelensky tregon tri llojet e armëve që i duhen Ukrainës për të mposhtur Rusinë
Ukraina tërheq nga vijat e frontit tanket amerikane Abrams për shkak të kërcënimeve nga dronët rus
Pse Greqia dhe Spanja po refuzojnë ta furnizojnë Ukrainën me sisteme të mbrojtjes ajrore?
Franca dhe Gjermania nënshkruajnë marrëveshjen miliarda euroshe mbi një projekt armësh
Zelensky paralajmëron për një "Çernobil të dytë"
Mercenari serb që lufton për rusët në Ukrainë i ankohet Putinit, thotë se nuk iu dha shtetësia ruse
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë