Poezi nga: Brian Rihlmann
Përktheu: Fadil Bajraj
nuk të kam parë dhe as që kam folur me ty
që pesë vjet
ama mbrëmë në ëndërr
ti qëndrove para meje
kolopuç dhe i zbehtë
i ngathët dhe me puçrra
si në shkollën e mesme
aspak i pompuar me stereoide
i tatuazhuar dhe i nxirë si tash
dhe qan
sepse ajo ka ikur
ndërsa unë të vë krahun
si mik
si vëlla
njashtu siç ishte
para mediave sociale
para se të ishim kaq të “lidhur”
para se të dinim ndonjë gjë
për politikën e djathtë/të majtë
dhe botën
dhe sa të ngatërruara
mund të bëhen gjërat
atëherë kur ne dinim gjithçka
ose bile të paktën diçka më shumë
se sa dimë tash
