Në fshatin Doganaj të komunës së Kaçanikut sot është bërë vënia e gurë themelit për ndërtimin e shkollës fillore “Ali Asllani”.

Reklama

Ndërtimi i kësaj shkolle do të financohet nga Ministria e Arsimit, Shkencës dhe Teknologjisë dhe do të kushtojë 1 milion e 150 mijë euro.

Me rastin e fillimit të punimeve për ndërtimin e kësaj shkolle, ministri i Arsimit, Shyqiri Bytyqi bëri të ditur vlerën që do të kushtojë ndërtimi i shkollës, derisa tha se me ndërtimin e kësaj shkolle do të krijohen standarde të larta.

“Ky nuk është vetëm një premtim të cilin në fakt e kemi dhënë për të pasur një objekt të ri, një ambient krejt ndryshe për nxënësit dhe mësimdhënësit, është edhe një obligim i yni që ne si MASHT jemi zotuar që anë e kënd Kosovës të krijojmë ambiente të cilat kanë nevojë mësimdhënësit dhe nxënësit tanë. Ne si ministri po marrim obligime që këto ambiente t’i shndërrojmë në ambiente moderne, ndërsa obligimi i përbashkët që duhet të jetë dhe na takon të gjithë neve që të angazhohemi që të gjithë së bashku ta ngrisim edhe cilësinë brenda shkollave. Hapi i parë është të kemi objekte moderne, ndërsa hapi i dytë po aq i rëndësishëm është angazhimi i përbashkët që të kemi edhe një mësimdhënie dhe nxënie moderne”, tha ai.

Reklama
Reklama

Ai tha se fshati Doganaj nuk do të ketë më problem me ambientin shkollor.

Lajm të mirë ndërtimin e kësaj shkolle për banorët e fshatit Doganaj e ka quajtur kryetari i Komunës së Kaçanikut, Besim Ilazi. Ai tha se me ndërtimin e kësaj shkolle krijohen kushtet që të kërkojnë ngritje të cilësisë në arsim.

Ndryshe, ndërtimi i shkollës “Ali Asllani” do të financohet nga Ministria e Arsimit, Shkencës dhe Teknologjisë. /KP/Telegrafi/