Ngritja dhe rënia e yllit portugez që të gjithë menduan se ishte më i mirë se Cristiano Ronaldo
Dikur ishte një yll portugez që mendohej të ishte më i mirë se Cristiano Ronaldo – derisa karriera e tij u venit shpejt.
Fabio Paim u konsiderua si lojtari që do t’i arrinte të gjitha te Portugalia kur ai dhe Ronaldo u bashkuan në akademinë e Sporting Lisbonës. Një skaut në klub, Aurelio Pereira, madje një herë kishte thënë: “A mendoni se Cristiano është i mirë? Prisni të shihni Fabio Paim”.
Ai ishte aq i mirë sa që Federata Franceze e Futbollit thuhet se u përpoq ta bindte atë të transferohej në Francë dhe u ofroi prindërve të tij një shumë të madhe për ta realizuar marrëveshjen. Paim kishte tërhequr gjithashtu vëmendjen e skuadrave më të mëdha të Evropës, përfshirë Barcelonën, Real Madridin dhe Man United, të cilët dërguan të gjithë skautët për ta parë atë duke luajtur.
Por, në një shembull të punës së palodhur që mund talentin, Ronaldo u bë një nga lojtarët më të mirë në botë, ndërsa Paim rrëshqiti në errësirë pas një sërë vendimesh të dobëta që kulmuan me pirjen e alkoolit dhe daljen në gjyq për trafik droge.
Megjithatë, para se gjithçka të shkonte keq, Paim u konsiderua aq i talentuar sa Sporting i dha atij një kontratë 20,000 euro në muaj kur ai ishte vetëm 16 vjeç, për të shmangur interesin nga jashtë – megjithëse më vonë ai pretendoi se skuadra portugeze po e paguante atë afër 150,000 euro.
Mirëpo për ironi, shifra e tepruar shënoi fillimin e fundit për Paimin. I riu, i cili nuk mund të përballonte luksin e tepërt, duke shpenzuar para në makina, femra dhe alkool.
Ai reflektoi për Globoesporte në vitin 2017: “Kam shpenzuar shumë para për makina. I dua makinat. Kam shpenzuar me bollëk për ato që doja. Të gjitha ato”.
“Ferrari, Lamborghini, Porsche, Maserati dhe madje një Punto. Çdo makinë që mund ta imagjinoni”.
Pasioni i tij për makinat ndikoi në formën e tij në fushë dhe ai nuk arriti të depërtonte në ekipin e parë të Sportingut, duke rezultuar në kalimin e tij huazues në Chelsea në vitin 2008, i ndihmuar nga super agjenti Jorge Mendes, i cili ende përfaqëson Ronaldon, në vitin 2008. Ishte një lëvizje që kishte për qëllim të rinovonte karrierën e Paimit, por pati efektin e kundërt.
Në të njëjtin vit që Ronaldo fitoi medaljen e tij të parë të Ligës së Kampionëve në United, Paim u dërgua në ekipin rezervë të Chelsea nën drejtimin e Brendan Rodgers. Dhe ai më pas hyri në botën me alkool, të paguara me pagën e madhe që Mendes kishte zgjedhur për të, në vend që të fokusohej në lojë.
Paim më parë shpjegoi: “Jorge më futi në Chelsea. Ai kishte njerëz atje, unë paguhesha shumë mirë, aty ndalova stërvitjen dhe punën time”.
“Fillova të pija. Kisha para dhe fillova të bëja shumë gjëra që nuk i bëja më parë. Dyert ishin të hapura për mua që të bëja atë që doja”.
Pas periudhës së tij të dështuar në Chelsea, Paim u shfaq në shou televiziv, u pa shpesh në klubet e natës dhe kishte kaluar me 14 ekipe të ndryshme, përpara se të tërhiqej në vitin 2018, në të njëjtin vit që Ronaldo u emërua Lojtari i Vitit në Portugali. Dhe për të përfunduar rënien e tij nga hiri, Paimi u kap nga policët për posedim të lëndëve narkotike në vitin 2019, por u arratis nga burgu pasi përgjimi i përdorur për ta arrestuar ishte i papranueshëm në gjykatë.
Karriera e tij e trazuar e bëri atë të kalojë nga perspektiva më e madhe e Portugalisë në grumbullin e mbeturinave të futbollit. Paim mund të shikonte vetëm se si ish-bashkëmoshatari i tij Ronaldo vazhdoi të pushtonte lojën, duke bërë 196 paraqitje për vendin e tyre deri më tani dhe duke shënuar 118 gola, duke thyer një sërë rekordesh ndërkombëtare gjatë rrugëtimit.
Nga ana tjetër, Paim kurrë nuk mori asnjë ftesë nga Portugalia, pavarësisht premtimit të tij të hershëm. Ai arriti vetëm ekipin U21 dhe bëri 42 paraqitje para se gjithçka të prishej.
Megjithatë, Paim është shumë i vetëdijshëm se ku gaboi dhe detajoi se cilat cilësi e ndanë atë dhe Ronaldon në fund. Ai tha: “Në një moment, unë mund të bëja më shumë se ai, por nuk kisha atë që ai kishte, që është forca dhe dëshira për të qenë ajo që doja të isha”.
“Ai kishte një etikë të madhe pune dhe unë nuk e kisha këtë. Unë kisha cilësi, të paktën po aq sa ai, por pjesën tjetër nuk e kisha”, vazhdoi ai. /Telegrafi/
Lufta Prigozhin - Putin
Më shumëNga Rubrika
Lista me 10 lojtarët që e kanë të ardhmen e sigurt te Man United – të tjerët janë në shitje
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
Dy yjet e Gironas u goditën kokë më kokë, u dërguan menjëherë në spital
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre
Rebelohet një lojtar në zhveshtoren e Real Madridit, Ancelotti nuk mund ta menaxhojë më
Capello me një vlerësim të sinqertë tregon lojtarin i cili do ta dëmtojë Anglinë në Euro 2024
Driblim që ta kujton "Fenomenin" - Mbappe turpëroi lojtarin kundërshtar
Bayerni shokon të gjithë me trajnerin i cili do ta drejtojë ekipin sezonin e ardhshëm
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre